Arabako enpresen herenek utzi diote soldatak ordaintzeari
Arabako enpresen % 32k utzi diote soldatak ordaintzeari koronabirusaren pandemiak "merkatua gelditu" duenetik, lurralde horretako enpresen % 44k aldi baterako lan erregulazioko espedientea egin dute ezinbestean, eta hamarretik ia lautan bajak izan dira, langileak covid-19arekin kutsatu direlako edo koarentena egin behar izan dutelako.
Arabako Merkataritza Ganberak galdeketa bat egin du lurraldeko ia bostehun enpresatan osasun krisi honek eta, zehazki, berorri aurre egiteko hartu dituzten neurriek zer eragin izan duten jakiteko.
Joan den ostiralean, martxoak 27, Arabako enpresen % 54k beren jarduera geldituta zutenez, Espainiako Gobernuak koronabirusaren pandemiari aurre egite aldera funtsezkoak ez diren jarduera ekonomikoak gelditzeko igandean onartutako neurriak ez du eraginik izango beraiengan.
Arabako enpresek hartu zituzten lehen neurriak bidaiak (enpresen % 89k), bilerak eta ekitaldietarako joan-etorriak (% 83) bertan behera uztea izan ziren, eta, ondorioz, bideokonferentziak areagotu dituzte galdeketari erantzun dieten enpresen % 63an. Enpresen heren batean soldatak ordaintzeari utzi diote merkatua gelditzearen ondorioz.
Enpresen % 61ek ordutegi malguak eta txanda mailakatuak ezarri dituzte, % 56an ezohiko kontziliazio neurriak jarri dituzte indarrean beren langileentzat eta erdiek baino gehiagok telelana areagotu edo ezarri dute.
Aldi baterako kontratazioei dagokienez, enpresen % 39k murriztu egin dituzte, eta % 32k ez zituzten berritu bukatutakoak. Koronabirusarekin kutsatutakoen edo koarentena egin behar izan dutenen bajak enpresen % 37ra iritsi dira, eta enpresen % 44k egin dute, ezinbestean, aldi baterako lan erregulazioko espedientea.
Enpresen % 68 zailtasunak izaten ari dira hornikuntzarekin, % 42an arazoak dituzte hornigaiak lortzeko eta % 65ean arazo logistikoak daude. Konpainien % 3k soilik handitu dute ekoizpena egoera honetan, galdeketaren arabera.
Salmenten esparruan, enpresen % 54k esan dute % 50 jaitsi direla gutxienez, eta % 18k jaitsiera % 20 eta % 50 artekoa izan dela. Bestalde, nazioartean aritzen diren enpresen % 44k erantzun dute % 50etik gora jaitsi direla esportazioak, eta % 13k jaitsiera hori % 20 eta % 50 artekoa izan dela.
Txotena egiteko, lurraldeko 426 enpresari egin diete galdeketa. % 45 zerbitzuen arlokoak ziren, eta % 28 industriakoak. Konpainia guztien % 90, berriz, 50 langile baino gutxiagoko enpresak dira.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.