500 milioiko euskal funtsa aktibatu dute enpresei eta autonomoei laguntzeko
Eusko Jaurlaritzaren Kontseiluak enpresa txikiei, ertainei eta autonomoei laguntzeko finantza programa aktibatu du. Programa horrek 500 milioi euro izango ditu maileguetan, eta helburua 6 hilabetez zirkulatzailearen likidezia eta finantzaketa beharrei erantzutea da.
Datozen egunetan programa Euskal Herriko Agintaritzaren Aldizkarian argitaratu ostean, Eusko Jaurlaritzak datorren astean sinatuko ditu dagozkion hitzarmenak Elkargirekin eta EAEn lan egiten duten hamabost finantza erakundeekin. Horri esker, koronabirusaren pandemiaren krisiak euskal enpresa-sarean eragingo dituen kalteak arindu ahal izango dira, Eusko Jaurlaritzak nabarmendu duenez.
Finantzaketa horrek estaldura eman nahi die enpresa txikien, ertainen eta autonomoen egitura gastu finkoei, handizkako finantzaketa merkatuetara edo kreditu erakundeen lerro tradizionaletara iristeko gaitasun erlatibo txikiagoa dutelako.
Onuradunak 250 langile baino gutxiago dituzten enpresak izango dira, urteko negozio bolumena 50 milioi eurotik gorakoa ez dutenak edo urteko balantze orokorra 43 milioi eurotik gorakoa ez dutenak.
Ezingo dute % 25eko edo gehiagoko partaidetza izan, ez zuzenean, ez zeharka, aurretik adierazitako baldintzaren bat betetzen ez duen beste enpresek edo enpresa taldeek.
Finantzaketa, halaber, Gizarte Segurantzako norberaren konturako langileen edo autonomoen araubide berezian alta emanda dauden eta PFEZari lotutako jarduera ekonomiko edo profesionalen etekinak lortzen dituzten enpresa txikiei eta autonomoei zuzenduta dago.
Maileguen zenbatekoak 5.000 eta milioi bat euro artekoak izango dira enpresa ertainentzat, eta 5.000 eta 100.000 euro artekoak txikientzat eta autonomoentzat.
% 0ko interes-tasako maileguak izango dira, Eusko Jaurlaritzak diruz lagunduko baititu.
Maileguen eragiketen epea bost urtekoa izango da, urtebeteko aukerako gabealdiarekin, eta aplikatu beharreko euriborrarekiko % 0,50eko diferentzialarekin.
Onuradunak aldez aurretik kitatu edo amortizatu ahal izango du mailegua, inolako kosturik gabe.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.