ABEEak osatzeko laguntzak luzatu ditu Elkarrizketa Sozialaren Mahaiak
Aldi baterako lan erregulazioko espedientean (ABEE) egon eta urtean 20.000 eurotik beherako irabaziak dituzten langileei diru-sarrerak osatzeko proposamena berretsi du Elkarrizketa Sozialaren Mahaiak, gaurko bileran. Horrez gain, krisian dauden sektoreetan lan egiten dutenen prestakuntza eguneratzeko eta birkokatzeak egin ahal izateko programa ere onartu du. Gainera, lantalde berri bat sortzea erabaki du, lana eta familia bateratzeari buruzko gizarte politikak adosteko.
Idoia Mendia Eusko Jaurlaritzako Lan eta Enpleguko sailburuak, Mahaiko presidentea den aldetik, foro horren lehenengo bileran hartutako erabakiak azaldu ditu. Batzar horretan parte hartu dute, besteak bestea, Arantxa Tapia Ekonomiaren Garapen, Iraunkortasun eta Ingurumen sailburuak, Jokin Bildarratz Hezkuntza sailburuak eta Beatriz Artolazabal Berdintasun, Justizia eta Gizarte politiketako sailburuak.
Gizarte eragileen aldetik parte hartu dutenak hauek izan dira: Eduardo Zubiaurre Confebaskeko presidentea, Loli Garcia CCOO Euskadiko idazkari nagusia eta Raul Arza UGT Euskadiko idazkari nagusia.
Berehala martxan jarriko diren neurriei dagokienez, Elkarrizketa Mahaiak berretsi egin da Lan eta Enplegu Sailak bidalitako proposamena. Horren arabera, urtean 20.000 eurotik beherako diru-sarrerak dituzten eta Aldi baterako lan erregulazioko espediente baten pean dauden langileei soldata osatu egingo zaie, maiatzaren 31ra arte.
Era berean, oniritzia eman dio krisian dauden sektoreetako langileen prestakuntza eguneratzeko eta birkokatzeko programari. Eusko Jaurlaritzaren aurtengo aurrekontuetan bi milioi euroko diru partida gorde dute horretarako eta beste bi milioi eurokoa, hurrengo urterako.
Mendiak azaldu duenez, programa pilotu bat abiatuko dute metal arloko langileekin eta aurrerago beste sektore batzuetara zabaltzea aurreikusten dute, Globalizaziora Egokitzeko Europako Funtsak (GEEF) aurreikusitakoaren arabera.
Enpresa bakar batean (hornitzaileak eta produktuen eraldatzaileak barne) 500 langile baino gehiago kaleratzen direnean edo eskualde batean edo inguruko batzuetan sektore jakin bateko langile askok lana galtzen dutenean jo daiteke funts horretara.
Zure interesekoa izan daiteke
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.