CAF-ek hidrogeno bidezko 50 autobus hornituko ditu Austriarako eta Herbeheretarako
Solarisek, CAF Taldearen filialak, esparru-akordioa sinatu du Austriako errepideetan zerbitzua emango duten 182 autobus modu esklusiboan hornitzeko. Zehatzago esanda, Österreichische Postbus AG operadorea izan da 2021-2023 aldian hidrogeno bidezko 40 autobus eta diesel motako 142 ibilgailu arte emateko hornitzaile potentzial gisa Solaris aukeratu duena.
Österreichische Postbus AGk, eskualdeko autobus-zerbitzuei dagokienez Austrian liderra eta operadore nagusia denak, bere eskarian, alde batetik, hidrogeno bidezko Urbino 12 motako 40 autobus egin nahi ditu. Solarisen gamako ibilgailu berritzaileenetako bat da eta honako hauek dira bere ezaugarri nagusiak: zarata maila oso baxuak, bibrazioen murrizketa eta, batez ere, isurpenik eza.
Bestalde, kontratatuko dituzten gainerako ibilgailuak Euro 6 isurpenen estandar zorrotzak betetzen dituzten propultsatzaileekin ekipatuta egongo dira eta, zehatzago esanda, esparru-kontratuak honako ibilgailu hauek jasoko ditu: aipatu berri dugun modelo horretako Urbino 18 motako 45 autobus, Urbino 12 modeloko 60 ibilgailu, eta Urbino 8,9 LE modeloko 17 autobus.
Solaris 2003tik dago Austrian eta, ordutik, Austriako 40 hiritarako 400 autobus inguru egin ditu. Horien artean daude gaur egun hiriburuan, Vienan, zerbitzua eskaintzen duten 53 autobusak.
Hidrogeno bidezko autobusak Herbeheretarako
Bestalde, Solarisek eta Holandako Arriva Netherlands airelineak Solaris Urbino 12 hidrogeno bidezko 10 autobus emateko kontratua sinatu dute. Kontratuak jasotzen dituen baldintzen arabera, ibilgailuak aurten bertan emango dizkiete Gelderland probintziari; izan ere, operadore horren asmoa da abenduan zerbitzuan jartzea.
Gelderland Herbeheretako erdialde-ekialdean dago eta herrialdeko probintzia handiena da. 2 milioi biztanle ditu. Joan den urtearen amaieran, Gelderlandeko agintariek Europako JIVE2 (hidrogeno bidezko ibilgailuetarako Europako baterako ekimena) programan parte hartuko zutela iragarri zuten. Ekimenaren helburua da diru-laguntzen bidez garraio publikoan hidrogeno bidezko autobusen kopurua handitzea eta isurpenik gabeko garraio publikoa sustatzea.
Solarisek hornitutako hidrogeno bidez bultzatutako hamar autobusek egungo diesel motako ibilgailuak ordezkatuko dituzte eta, aurreikuspenen arabera, urtean 1 milioi kilometro baino gehiagoko zerbitzua eskainiko dute.
Solaris etxeko lehen autobusak 2017an iritsi ziren Herbeheretara eta, ordutik garraioirtenbide ekologikoak eta abangoardiakoak dituzten ibilgailuen kopuru handia hornitu du herrialdeko eskualde ugaritarako.
Hidrogeno bidezko autobusei dagokienez, ez da Holanda CAF Taldeak fabrikatutako ibilgailu mota hori gero eta bezero gehiago lortzen ari den herrialde bakarra; izan ere, joan den urteko ekainean hidrogeno bidezko Urbino 12 modeloa merkaturatu zutenetik, Solarisek Alemaniatik, Italiatik eta Suediatik ere jaso ditu eskariak.
Zure interesekoa izan daiteke
Abeltzaintzaren sektorea "haserre" eta "desengainatuta" irten da Bazkaren Mahaiaren bileratik
Espero zuten bezala, Eusko Jaurlaritzak bazka modu bateratuan erosteari uko egin dio, bertan erosteko "nahikoa bazka" badagoela azaldu ondoren. Lehorte egoera ofiziala ezartzeko ere baldintzak ez direla betetzen azaldu diete. Ondorioz, ENBA eta ENHE sindikatuen arabera, baserritarrak "abandonatuta" utzi dituzte.
Arcelor Olaberriak bere ekoizpena gelditu du lehen aldiz lehortearen ondorioz
Oria ibaiaren emari txikia dela eta, Gipuzkoako plantako labe handiaren jarduera eten behar izan da, eta astearte honetan berrabiarazte-prozesuan dago.
Espainiako Gobernuak Estatutu Markoa onartu du, medikuen babesik gabe eta greba mugagabearen mehatxupean
Euskal Autonomia Erkidegoan, Osakidetzak akordioa itxi zuen joan den uztailean Euskadiko Medikuen Sindikatuarekin. Halere, azken horrek hasieratik garbi azaldu zuen itunak ez duela automatikoki bertan behera uzten udazkenerako deitutako lanuztea.
EAJk eta PSE-EEk zerga-neurrien marko komuna adostu dute Araba, Bizkaia eta Gipuzkoarako
Neurriak hiru lurralde historikoetarako dira, nahiz eta bakoitzak marko komun hori handitu edo osatu ahal izango duen bere beharren arabera. Araban eta Gipuzkoan, Gobernukide diren bi alderdiek oposizioko talderen baten babesa beharko dute neurriak aurrera ateratzeko.
Arropagintza azkar eta merkearen gaineko zerga berria ezarri dute Frantzian
Sheinek eta Temuk, besteak beste, jantzi bakoitzeko 50 zentimo eta 12 euro arteko zigor-tasak ordaindu beharko dituzte gaurtik aurrera.
Dieselaren prezioaren deskontua 20 zentimora igo da litroko; gasolinaren prezioaren gainekoa, ordea, 5 zentimora jaitsi
Gasolioaren prezioaren gainean ezarritako beherapen fiskala bikoiztu egingo da gaurtik aurrera, eta gasolinaren gainekoa, berriz, erdira murriztu.
Eusko Jaurlaritza abeltzainekin bilduko da berriro arratsaldean, lehortearen eragina aztertzeko
Nekazaritza elkarteek eta sindikatuek, besteak beste, EAE lehorte-eremu izendatzea nahi dute, eta neurri bereziak hartzea. Bilera 16:00etan izango da, Eusko Jaurlaritzaren Gasteizko egoitza nagusian.
Garamendik (CEOE) uste du “hipererregulazioa” sektore digitalaren “drama handia” dela
Adierazi du gai honetan ez dela komeni eremu publikoa "buru" izatea, enpresen "laguntzaile" baizik.
Nafarroako adinekoen egoitzetako lehen lan-hitzarmena sinatu dute sindikatuek eta patronalak
Bost urte baino gehiago negoziatzen eman ondoren, gaur izenpetu dute hitzarmena sindikatuek eta patronalak. 5.000 langileri baino gehiagori eragingo die itunak.
Argindarraren faktura %19 garestitu da abuztuan, eta 2022tik izan duen mailarik altuenera iritsi da
Bero-boladetako eskariaren gorakadak eta gas naturalaren prezioaren igoerak erabiltzaileen batez besteko ordainagiria 14 euro inguru garestituko dute.