CCOO eta UGTk bat egin dute "langile klasearekiko zorra" aldarrikatzeko
CCOO eta UGT sindikatuek elkar hartu dute Maiatzaren Leheneko ospakizunetan eta batera atera dira Hego Euskal Herriko lau hiriburuetako manifestazioetan. "Ahora toca cumplir - Langile klaseari zor diogu" lelopean, ehunka lagun bildu dira, egoera epidemiologikaren harira hartutako neurrien ondorioz mugikortasuna mugatuta egon arren.
Bilbo eta Donostiako manifestazioak 11:30ean abiatu dira, Kale Nagusitik eta Alderdi Ederretik, hurrenez hurren, eta Gasteizen eguerdian abiatu da, Andre Maria Zuriaren plazatik. Euskadiko CCOO sindikatuko idazkari nagusi Loli Garcia eta Euskadiko UGT sindikatuko Raul Arza Bilboko mobilizazioan izan dira.
Euskadiko CCOO sindikatuko idazkari nagusi Loli Garciak nabarmendu du Eusko Jaurlaritzak, "saiatu arren", ez duela lortu "langile klasea isilaraztea", mugikortasun-mugei erreferentzia eginez. Langile klaseak pandemia garaian izan duen paperak "gizartearen onespena" baino zerbait gehiago merezi duela azpimarratu du eta "agenda sozial konprometitua" bultzatzeko deia egin du.
Garciaren ustez, beharrezkoa da "negoziazio kolektiboaren egiturazko pisua berreskuratzea" eta "behingoz genero-arrakalekin amaitzea".
Raul Arza Euskadiko UGT sindikatuko buruak, bestalde, bitarteko langileen kopurua murrizteko eskatu dio Eusko Jaurlaritzari. "Ezin dugu onartu Euskadi Espainiako eta Europako buru izatea behin-behinekotasunean. 60.000 langile baino gehiagori buruz ari gara hizketan", gaineratu du.
Arzak azpimarratu duenez, Maiatzaren Lehenean gogoan izan behar dira konfinamenduan "funtsezkoak" izan ziren langileak baina "txertoa jartzeko orduan lehenesten ez direnak", baita azken bost urteetan lan-istripuetan bizia galdu duten "166 euskal langileak" ere.
Bilboko manifestazioarekin bat egin du Idoia Mendia lehendakariorde, Enplegu sailburu eta PSE-EEko idazkari nagusiak, eta "soldata duinak, berdintasuna eta prestakuntzarako eta lan-aktibaziorako eskubidea" aldarrikatu ditu, eta gogorarazi du duela 131 urte Alderdi Sozialistak kalera irteteko deia egin ziela langileei, euren eskubideak defenda zitzaten.
Nafarroak txalotik ekintzara igarotzeko eskatu du
Nafarroan, bi sindikatuek manifestazio bateratu nagusi bat egin dute Iruñean. Bertan, pandemia garaian egindako lanagatik oinarrizko sektoreetako langileak omendu dituzte, eta gobernuei eta enpresaburuei "langileekin duten zorra" kitatzeko garaia dela esan diete.
Chechu Rodriguez Nafarroako CCOO sindikatuko idazkari nagusiaren hitzetan, "Gobernuak pauso bat aurrera emateko garaia da, zorretan baikaude langileekin". Gaineratu du "atzo txalo zaparrada zena benetako aitortza bihurtu behar dela, soldatak igoz, eta enpleguaren egonkortasuna eta zerbitzu publikoak indartuz". Era berean, aldi baterako lan-erregulazioa "pandemiaren inpaktua jaso dutenengana iristea" eskatu du Rodriguezek, baita politika sozialak eta fiskalak hobetzea ere, eta, horretarako, Nafarroara iritsi behar duten Europako berreraikuntzarako funtsak erabiltzea nahi du.
Jesus Santos Nafarroako UGT sindikatuko idazkari nagusiak ere hitz egin du, eta adierazi du lana, konpromiso soziala eta elkartasuna direla "herri honetako langileriaren aurkezpen-gutuna, intolerantziaren, fanatismo berekoiaren eta ultraeskuinak politikari demokratei egindako heriotza-mehatxuen aurrean". Espainiako eta Nafarroako gobernu sozialisten jarrera politikoari "aitortza" egin dio eta, bide batez, krisitik ateratzeko enplegu-plan bat eta sektore astinduenentzako ekintza-planak eskatu dizkie, "lidergo publikoa, aurrekontu-baliabide nahikoak eta adostasun soziala" izanik sustapen horren giltza.
Albiste gehiago ekonomia
Nafarroako dozena bat udalek eta hainbat elkartek Azantzako aerosorgailuen proiektua errefusatu dute
Aizpunen egindako ekitaldi batean, Mikel Irujo Industria kontseilariak Nafarroako sektore berriztagarriaren egoera azaldu du. Ondoren Udalek euren iritzia azaldu dute ohar baten bidez. Hala ere, eskerrak eman dizkiote kontseilariari bertara hubiltzeagatik, "inguruko biztanleen eskaerak entzun dituelako".
Bizkaian aurkeztutako hamar errenta aitorpenetik zazpik diru-itzulketa jaso dute
Batez beste, 1.201 euro ordaindu zaizkie zergadunei, iaz baino 94 euro gehiago. Ordaindu beharreko aitorpena duten zergadunek, berriz, 2.653 euro ordaindu behar izan dituzte, batez beste.
Turismo-tasari % 100eko hobaria eman edo errekargua ezarri ahal izango diote udalek
Turismo-egonaldien gaineko zergak aplikazio orokorra izango du, espezifikotasun bereziekin (% 100eko hobariak edo errekarguak), udalerrietako ostatu-establezimenduen arabera eta udal-autonomiarako marjinarekin.
Bizkaiko metalgintzako enpresek 1400 lanpostu sortuko dituzte 2025ean, 2024an baino % 2,6 gehiago
Gainera, enpresa metalurgikoek fakturazioa "pixka bat" haziko dela eta eskaera-zorroak mantenduko direla uste dute, merkatua etengabe "hozten" ari dela eta eskaera-maila ohikoa baino baxuagoa dela kontuan hartuta.
Bizkaiko anbulantzien "egoera larria" salatu du ELAk, eta publiko egitea eskatu du lizitazio berriaren aurrean
Sindikatuak Bizkanb aldi baterako enpresa-elkartearen kudeaketa kritikatu du eta anbulantzien erabilera desegokia salatu du.
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.
BSHko langileek babesa eman diote zuzendaritzak eta gehiengo sindikalak lortutako akordioari, aldeko 475 bozkekin
Langileen % 78k bat egin du aurreko ostegunean UGT, CCOO, ATISS eta Solidari sindikatuetako ordezkariek adostu zuten aurreakordiorekin. Horren arabera, 609 lagun kaleratuko dituzte kalteordainekin eta lantegia itxiko dute.
Euskadiko Parke Teknologikoaren etorkizuneko campusa eraikitzen hasi dira Zorrotzaurren: Idom, Mondragon eta abangoardiako enpresak hartuko ditu
Aurreneko eraikina Tarabusi pabiloi zaharraren kokalekuan egongo da, Galletaginen etorbidean. Bilboko Campusean teknologikoki aurreratuak diren hainbat enpresa ezartzea aurreikusten da.
Parte-hartze zabala BSHn, lan-erregulazioko espedientearen aurreakordioaren inguruko bozketan
Eguerdiko 13:00etarako langileen % 80k eman du bozka. Enpresa batzordearen gehiengoak, ELAk eta LABek izan ezik, joan zen asteazkenean lortu zuen aurreakordioa zuzendaritzarekin, eta, horren arabera, lantegia itxi eta 609 pertsona kaleratuko dituzte, 655 izan beharrean.
Arabako Ogasunak 181 milioi euro itzuli ditu errentaren kanpainan
Guztira, 200.457 aitorpen egin dira, aurreko ekitaldian baino % 3 gehiago. Datu hori "Arabako ekonomiaren martxa onaren sintoma" da Itziar Gonzalo Ogasun diputatuaren arabera.