LABek “beste greba orokor bat” beharrezkotzat jo du Bilboko manifestazio jendetsuan
Ehunka pertsonak hartu dute parte LAB sindikatuak Maiatzaren Lehenerako Bilbon deitutako manifestaldian, Zabalburu plazatik abiatu eta udaletxe aurreko ekitaldi publikoraino.
“Aldaketa da aukera! Zaintza, lana, bizitza, herria!” lelopean, “pandemia osteko garaian ere indartsu agertzeko eta lan, pentsio eta bizitza duinen alde borrokatzen jarraitzeko” asmoa agertu du sindikatuak, Garbiñe Aranburu idazkari nagusiak Bilbon esan duenez.
Manifestariak, Bilboko udaletxearen aurrean. Argazkia: EITB Media
Udaletxe aurreko ekitaldian, Aranburuk azaldu du momentuak “beste greba orokor bat” eskatzen duela, “borrokarik gabe ez delako inposatutako politiken norabide aldaketarik egongo”.
Ildo beretik, ordezkari sindikalak berretsi du egungo sistema ez dela jasangarria, “ez sozialki, ez ekologikoki”, eta, hortaz, “eredu ekosozialista eta feministago baterako bidea” egiteko beharra dagoela gaineratu du.
Mobilizazioak beste hainbat hiriburutan
LABek beste hainbat herri eta hiriburutan egin ditu manifestazioak, Baionan, Donostian, Gasteizen eta Iruñean kasu.
Azken horretan, sindikatuko delegazio nafarrak Gazteluko plazan hasi du protesta, 12:00ak aldera. Aurretik, Imanol Karrera ordezkariak adierazi du egungo sistemak aldaketak behar dituela eta horiek “prekaritatearekin amaitu eta egoera justuago bat ezarriko duten lan neurri eta neurri sozialen bidez” lortu behar direla. Karrerak gaineratu du “lan erreforma indargabetzea” beharrezkoa dela, “ezegonkortasun gehiago” eragiten ari delako eta aberastasunaren zein lanaren banaketaren inguruko eztabaida nahitaezkoa delako.
Protesta bukatuta, LABeko bozeramaileak salatu du “CEN patronalak, Espainiako poliziarekin batera”, LABen jarrera ezin hobeto ulertu duela eta horregatik egin dutela asteon “sindikatuaren kontrako polizia operazioa”.
Hala, LABen bozeramaileak azaldu du poliziaren mezua argi ulertu dutela, eta honakoa gaineratu du: “Hona hemen gure mezua: ez gaituzue geldituko, ez gaituzue geure bidetik aterako, kaleetan ikusiko dugu elkar eta bukaeraraino borrokatuko gara”.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.