LABeko sei kideen atxiloketen salaketa eta borroka sindikala aldarri, Iruñean
LAB sindikatuko sei kideren atxiloketa salatzeko manifestazioa izan da gaur arratsaldean Iruñean. Jende andana bildu da Nafarroako hiriburuan, sindikalismoa ez dela "delitua" aldarrikatzeko eta "sindikalismo borrokalaria" defendatzeko.
Apirilaren 20an, asteartea, atxilotu zituzten sindikalistak, apirilaren 9an garbiketako sektorearen mobilizazio batean, ISN enprearen kamioi bat blokeatzean, izandako liskar batzuekin zerikusia zutelakoan; baita martxoaren 8an CEN Nafarroako Enpresaburuen Konfederazioaren egoitzaren aurrean izandako protesta batekin ere. Atxilotuetako bat egunean bertan utzi zuten libre eta gainontzekoak, hurrengo egunean. Ostegun honetan bertan, atxilotuek adierazi zuten inputatu nahi bazituzten, nahikoa zela zitazio judizial batekin.
Gobernuak Nafarroan duen ordezkaritzaren arabera, 900 lagunetik gora elkartu dira 17:00etan Baluarte plazatik abiatu den martxan. Hiru emakume zutabe, "pikete feminista" zioten txalekoak jantzita, joan dira aurretik, eta euren atzetik, "El sindicalismo combativo no es delito. Borroka sindikala aurrera" zioen pankarta. Manifestazioa Sarasate pasealekuan amaitu da eta bidean zehar, 'sindikalismoa ez da delitua', 'delitua, patronalarena', 'Gora borroka feminista' eta 'lotsa emango lidake polizia izatea' bezalako leloak entzun dira.
Manifestazioaren irudia. Argazkia: EFE
Manifestazioa hasi aurretik egindako adierazpeneta, Garbiñe Aranburu LABeko idazkari nagusiak adierazi du aste honetan izandako atxiloketak "protesta sindikal eta sozialaren kontra egiten ari diren errepresioan jauzi bat gehiago" direla. Aranbururen iritziz, "aste honetako polizia operazioa sindikalismo borrokalariaren eta gure sindikatuak egiten duen sindikalismo eredu feministaren kontrako erasoa izan da".
"Bizitzen ari garena alrebeseko mundua da" salatu du Aranburuk: "delitu gisa hartzen da injustizia batzuen kontra borrokatzea, eta aldi berean, patronalaren ekintzak zigorgabe geratzen dira". LABeko idazkariak gogor defendatu du "borroka sindikala ez dela delitua" eta, aldiz, "bada delitua lanpostuetan prebentzio neurriak ez betetzea, adibidez". "Dozenaka langile hiltzen dira urtero prebentzio neurriak betetzen ez direlako eta ez dugu inongo enpresabururik ikusi gaua komisaldegian pasatzen, patronalaren indarkeria horren aurrean" salatu du.
Aste honetan LABeko kideak atxilotu dituztenek mezu argia eman nahi izan dute bere ustez, "mezu argi bat ez sindikatu honentzat bakarrik, baizik eta egungo ordena zalantzan jarri nahi duen ororentzat". "Ikusten ari gara lana defendatzen ari diren langileen kontra bidaltzen dutela polizia", "ikusten ari diren egoera kritikatzen ari diren ostalarien kontra" gaineratu du Aranburuk eta LABEko kideen atxiloketak "sistema egiten ari den kriminalizazio horren baitan" daudela berretsi du.
Horren aurrean, eta jada aste honetan esana zuen mezua errepikatuz, ez dutela "obedituko" ohartarazi du, "ez gaituzte kikilduko eta sindikalismo borrokalariarekin nahiz eredu sindikal feministarekin jarraitu dugu orain arte bezala".
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.