Lau hegaldi bertan behera gelditu dira Bilboko Aireportuan Air Europako pilotuen grebaren ondorioz
Atzo, Maiatzaren Lehenarekin, abiatu zen Air Europa konpainiako pilotuen greba, eta, ondorioz, hainbat hegaldi utzi behar izan dituzte bertan behera: lau izango dira gaur.
Aenak jakinarazi duenez, gaur aurreikusita zeuden hegaldietako lau ez dira aterako: 08:30ean eta 16:50ean Madrilera joan behar zutenak eta handik abiatuta 12:00etan eta 20:05ean Loiura iristekoak zirenak. Hegaldi hauek guztiek Loiu eta Madrilgo aireportuak lotu behar zituzten. Atzo hiru hegaldi geratu ziren bertan behera.
Gaur ez ezik, bihar eta etzirako ere dago deituta greba. Konpainiak bere webgunean argitaratu duen informazioaren arabera, euskal aireportuei dagokionez, Bilbokoan soilik nabarituko da geldialdiaren eragina.
Aireko Lineetako Pilotuen Espainiako Sindikatuak (Sepla) adierazi duenez, lan-hitzarmen berriaren negoziazioetan, "Air Europako zuzendaritzak eragin duen gatazka eta tentsioa" direla eta sortutako greba da honakoa. Enpresa "langileekin eskubideekin jolasten" eta "langileen eskubideen galera dakarten neurriak proposamen gisa" aurkezten ari dela salatu du sindikatuak.
Pilotuen hitzetan, zuzendaritzak "negoziazioaren ordez liskarra" bilatu du eta, "bi aldeen arteko ulermen puntu bat bilatu ordez, pilotuak mehatxatu eta deskalifikatu ditu" Bitartekaritza eta Arbitrajeko Konfederazio arteko Zerbitzuarekin (SIMA) egindako jardunaldietan.
Air Europa enpresak, bere aldetik, greba hau "arduragabea eta berekoia" dela salatu du publiko egin duen zirkularrean. Grebaren ondorioz "etorriko diren galerek etorkizuneko ekintzak (hegazkin berriak erostea, adibidez) eta Bideragarritasun Plana betetzea zalantzan" jarriko dutela azaldu du. "Neurri zorrotz eta berekoi honek eta izango duen eraginak ez die ordezkari sindikalei eta pilotuei euren helburuak lortzen lagunduko; kontrakoa lortuko dute", ohartarazi du komunikatuan.
Bien bitartean, Facua kontsumitzaileen elkarteak grebaren ondorioz kaltetu diren bidaiariei gogorarazi die eskubidea dutela bidaia-txartelaren zenbatekoa, hegaldia bertan behera gelditu izanak sortutako gastuen ordaina eta, gutxienez, 250 euroko kalte-ordaina eskatzeko.
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.