Petronorrek "konpromisoa" duela esan du, baina ohartarazi du inbertsio batzuk "stand by-n" geratuko direla
Josu Jon Imaz Repsoleko kontseilari delegatuak joan den astean egindako ohartarazpena berretsi du gaur Emiliano Lopez Atxurra Petronorreko presidenteak. Imazek esan zuenez, Espainiako Gobernuak energia konpainien gaineko zergari eutsiz gero, Espainian egindako inbertsioak baldintzatuta geratuko lirateke. Lopez Atxurraren arabera, Imazek Repsolen administrazio kontseiluaren iritzia plazaratu baino ez zuen egin (bera ere organo horretako kide da).
Hala, Radio Euskadiko "Boulevard" saioan gaur egin dioten elkarrizketan azaldu duenez, Repsolek "enpresa konpromisoa" du, alegia, "ez du inoiz esan Espainiatik joango denik", baina, era berean, "ohartarazpena" ere badago, "aurreikusi daitekeen eta egonkorra den arau esparru bat ez badago, logikoki, inbertsio batzuk stand by-n geratuko dira".
Petronorren kolokan gera litezkeen inbertsioak hizpide, berretsi du erregai sintetikoaren eta 2,5 eta 10 megawatteko hidrogeno berdearen ingurukoak "bermatuta" daudela; ez, ordea, erregai sintetikoaren etorkizuneko industria lantegia eraikitzeko behar direnak—orain probetan dagoen batekin ari dira— eta 100 megawatteko hidrogeno instalazioarena.
Lopez Atxurraren ustez, energia konpainiek dituzten etekinak "ez dira zerutik etorritakoak, araututa baitaude". Zehaztu duenez, 2019-2022 aldian, Petronorrek 5.000 milioi euro pagatu ditu zergetan Bizkaiko Ogasunean eta Estatuko administrazioan. Konpainia energetikoei ezarritako zerga bereziarekin "gas and oil delakoa zigortzen" ari direla kritikatu du, gogorarazita zero emisioen helburua dutela. Petronorren presidentearen arabera, zergak "oinarri ideologikoa du, teknikoa baino gehiago", eta "aurreiritzien" arabera jokatzea egotzi dio Espainiako Gobernuari.
Azkenik, Sanchezen gobernu bat ala hauteskundeak errepikatzea nahiago ote duen galdetuta, erantzun du enpresek "egonkortasuna eta adostasun (politiko) zabala" behar dituela inbertitzen jarraitzeko eta energia alorrean estrategiak zehazteko. Hortaz, "adostasun zabala sortzeko gai den edozein" babestuko lukeela nabarmendu du.
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.