Ibilgailuen ekoizpenak gora egin du mundu mailan, baina behera Europan
EITB Dataren txostenaren arabera, automobilgintzaren industria etengabe ari da hazten mundu mailan 2010etik. 2023an, 93,5 milioi ibilgailu baino gehiago eraiki ziren mundu osoan. Baina ekoizpena Asiarantz bideratzen ari da, Europaren kaltetan.
Gaur egun, munduan sortzen diren 10 ibilgailutik 6 Asian eta Ozeanian egiten dira. Ekoizpena % 34 hazi da han 2010etik, batik bat, Txinak izan duen bultzadari esker. Ibilgailu ekoizle handiena da munduan, ekoizpen osoaren % 32 bertatik ateratzen da eta zerrendako bigarrenaren (AEB) datuak hirukoizten ditu. Hain zuzen ere, Txinaren produkzioa % 65 igo da 2010etik. Indiak ere igoera nabarmena izan du (% 64).
Europaren egoera ifrentzua da. 2023an ekoitzi duen ibilgailu kopurua % 8,4 jaitsi zen, 2010. urtearekin alderatuta. Nabarmentzekoa da, batez ere, Alemaniaren eta Frantziaren beherakadak; sektore horretan tradizio handia duten bi herrialdeen ekoizpena % 30 eta % 32 jaitsi da, hurrenez hurren.
Testuinguru horretan, Espainiako Estatuko eta gure inguruko automobilgintzak irautea lortu du. 2023an, 2,5 milioi ibilgailu sortu ziren Espainiako Estatuan, 2010ean baino % 2 gehiago. Baina urte oparoagoak ere bizi izan ditu sektoreak azken hamarkadan, 2019an adibidez, 2,8 milioi ibilgailu ekoitzi ziren.
Espainiako Estatuan sortzen diren ibilgailuen % 17,6, gutxi gorabehera, Hego Euskal Herriko fabriketatik ateratzen dira. Hala ere, gure ingurunean pisu handiagoa du automobilgintzarako osagaien fabrikazioak ibilgailuen muntaiak baino.
Ibilgailu berrien erosketari dagokionez ere, Asia da azken lau urteetan gehien hazi den kontinentea, % 13 gutxi gorabehera. Kontinente horretan erosten dituzte planeta osoko autoen erdiak baino gehiago.
Ekoizpenarekin gertatzen den bezala, Txina dago auto-erosketen zerrendaren lehen postuan; izan ere, 2023an 30 milioi unitate baino gehiago matrikulatu zituzten bertan, mundu osoan saldu ziren 92,7 milioien ia herena. Europan, aldiz, autoen salmenta % 14 jaitsi zen 2023an 2019ko datuekin alderatuta; 17,9 milioi unitate matrikulatu ziren.
Europar Batasunean ekoizten diren ibilgailuen % 31 esportatu egiten dituzte. Hartzaile nagusia Erresuma Batua da, eta haren atzean daude Estatu Batuak eta Turkia.
Inportazioei dagokienez, ibilgailuak erosten dizkiogun herrialde nagusia Txina da, eta inportatutako bost ibilgailu berritik bat han egindakoa da.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.