Euskadik Gizarte Segurantzako afiliazio errekor historikoarekin itxi du 2025a
Hala ere, Euskadiko langabeziaren beherakada joera eten da 107.434 langaberekin, 2024an baino 54 gehiagorekin; Nafarroan, aldiz, 872 pertsonako jaitsiera izan du.
Langabeziak gora egin du Euskadin 2025ean. Artxiboko argazkia.
Euskadik 107.434 langaberekin itxi du 2025a; hau da, 2024an baino 54 langabetu gehiagorekin (% +0,05). Horrenbestez, amaitutzat eman da azken lau urteetan izandako beherakada joerarekin. Hala ere, Eusko Jaurlaritzak datuen balorazio positiboa egin du, afiliazio-kopuruaren errekorra dela eta.
Izan ere, 1.036.804 dira abendu amaieran Gizarte Segurantzan, 2024ko abenduan baino 12.293 gehiago (% +1,20).
Lurraldeka, Gipuzkoa izan da 2024tik langabetuen kopurua handitu duen lurralde bakarra. Zehazki, 28.628 langabetu daude, hau da, 210 gehiago (% +0,14).
Aldiz, Bizkaian eta Araban langabeziak behera egin du, baina ez oso modu nabarmenean: Bizkaian 60.474 langabetu daude, 139 pertsona gutxiago (% +0,23); eta, Araban, 18.332 pertsona, 17 gutxiago (% +0,09).
Beheranzko joera horretan dago espainiar Estatua ere; izan ere, 2.408.670 pertsonatan kokatu da 2025eko abenduan erregistratutako langabezia. Hain zuzen ere, 150.048 pertsonakoa da urte arteko langabeziaren jaitsiera (% +5,94).
"Enplegu baldintzatua"
Eusko Jaurlaritzak positiboki baloratu ditu 2025eko enpleguari buruzko datuak. Izan ere, osasunarekin lotutako jarduerek eta ostalaritza gorakada izan du. Gainera, Gizarte Segurantzako afiliazio-kopuruak errekorra hautsi du aurten, 1.036.804ko kotizatzaileekin.
Hala ere, abenduko bilakaera "atipikoa" izan dela ohartarazi du Jaurlaritzak, langabeziaren hileroko igoera txiki batekin, nahiz eta urte arteko alderaketak egonkortasuna erakusten duen eta EAEko lan-merkatuko zikloen aurrerapena berresten duen.
Horrekin lotuta, Eusko Jaurlaritzak azpimarratu du behin-behinekotasunak eta partzialtasunak lan-egonkortasuna baldintzatzen jarraitzen dutela, kontratazio-ereduen aldaketek markatutako testuinguru batean.
Nafarroan, datu positiboak
Nafarroan, aldiz, langabeziak nabarmen egin du behera, 871 pertsonako beherakadarekin (% -2,87). Horrenbestez, 29.483 pertsonan kokatu da langabezia 2025eko amaieran.
2025eko datuak dira, beraz, urteko itxierako langabezia-zifrarik txikienak 2007tik.
Zure interesekoa izan daiteke
Volkswagenek 50.000 lanpostu gehiago murriztuko ditu, erdiak Alemanian eta gainerakoak Europan
Volkswagen taldeak krisia bizi du, Txinako fabrikatzaileek Europan lehia gogortu, Txinan salmentak jaitsi eta AEBko muga-zergen ondorioz.
Lehorteak kaltetutako nekazarientzako laguntzak iragarri ditu Frantziak
Nekazarien ordezkariak datorren astean bilduko dira Frantziako Nekazaritza Ministerioarekin, euren eskaerak helarazteko. Lehortearen eta beroaren eragina arlo ekonomikoan nabaritzen ari da, baina baita fisikoan eta mentalean ere.
Ardogile bat hil da Lantziegoko upategi batean izandako istripuan
Ezbeharra 12:20 aldera jazo da, eta gertatutakoaren nondik norakoak ikertzen ari dira. Larrialdi-zerbitzuak bertaratu dira, baina ezin izan dute beharginaren bizia salbatu.
Zaballako sei funtzionariok kea arnasteagatik izandako lesioak "prebentzio gabezi larrien" ondorio izan ziren
ELAk jakinarazi duenez, Lan Ikuskaritzaren txosten batek "kausa-ondorio erlazio argia ezartzen du Administrazioaren omisioen eta lan-istripuaren artean".
Zerga-erreforma berriak langileen artean desberdintasunak ekarriko dituela salatu du ELAk
Euskadi Irratian egindako elkarrizketan Mitxel Lakuntza ELAko idazkari nagusiak kritika gogorra egin dio EAJk eta PSEk aste honetan iragarritako zerga-erreformarako akordioari, enpresen mesedetarako egin dela esanez.
Sanchezek AAren inguruko “itun nazional handia” sustatuko du eragile sozial eta politikoekin
Hitzarmenak trantsizioari aurre egiteko beharrezko elementuak ezarri nahi ditu, besteak beste, lan-merkatuan, erregulazio teknologikoan, inbertsioetan eta finantzaketan.
Tubos Reunidos erosteko eskaintzak aurkezteko epea luzatu du konkurtso-administratzaileak
Enpresa erosteko interesa omen dute hainbat eroslek. Hortaz, irailaren 30era arte luzatu du enpresaren informazioa eskuratzeko epea, eta urriaren 7ra arte eskaintzak aurkeztekoa.
Medikuen sindikatuek greba mugagabea egitea erabaki dute
Oraindik ez da zehaztu noiz eta nola egingo duten protesta. Dirudienez, iraila baztertu dute greba egiteko. Euskadiko Sendagileen Sindikatuak mobilizazio-deialdiarekin bat egingo du, orain arte bezala.
Langabezia % 2,36 igo da Nafarroan eta % 1,19 Euskadin abuztuan
Langabezia-tasa % 1,19 igo da Araban (210 pertsona gehiago), % 1,13 Bizkaian (677 pertsona gehiago) eta % 1,32 Gipuzkoan (371 pertsona gehiago). Nafarroan, % 2,36 igo da (681 langabe gehiago).
Abeltzaintzaren sektorea "haserre" eta "desengainatuta" irten da Bazkaren Mahaiaren bileratik
Espero zuten bezala, Eusko Jaurlaritzak bazka modu bateratuan erosteari uko egin dio, eta bertan erosteko "nahikoa bazka" badagoela adierazi du. Lehorte egoera ofiziala ezartzeko baldintzak ez direla betetzen azaldu diete. Ondorioz, ENBA eta ENHE sindikatuen arabera, baserritarrak "abandonatuta" utzi dituzte.