Ares: 'Kukutzako operazioa proportzionala eta profesionala izan da'
Ertzaintzak Errekalden (Bilbo) goizean egindako operazioa "proportzionala" izan dela defendatu du Rodolfo Ares Herrizaingo sailburuak. Gainera, ertzainek "profesionaltasunez ekin" dutela nabarmendu du sailburuak.
Horrela, Ertzaintzaren profesionaltasuna defendatu du Aresek eta Kukutza gaztetxea husteko operazioa "proportzionala" izan dela erantsi du, "gaztetxeko hirugarren solairuan eta teilatuan zeuden pertsonek jarrera bortitza mantendu dutelako".
Erandion emandako prentsaurrekoan, operazioan 30 pertsona atxilotu dituztela jakinarazi du sailburuak, 23 eraikinaren barruan eta zazpi kanpoan, ertzainei porlan zakuak, pintura eta objektu mingarriak botatzeagatik eta edukiontziak gurutzatzeagatik.
Gainera, operazioan hiru lagun arin zauritu direla azaldu du Herrizaingo sailburuak. Operazioa manifestarien eta ertzainen "segurtasuna bermatzeko" helburuarekin egin dutela azpimarratu du Aresek. Ekintza ahalik eta azkarren egin nahi zutela goraipatu du Eusko Jaurlaritzako ordezkariak.
Ateak soldaturik eta hormaturik
Ertzainek mazoak eta beste tresna batzuk erabili behar izan dituzte goiko solairuetara heltzeko, izan ere, ateak soldaturik eta hormaturik topatu dituzte. Era berean, bidean oztopo ezberdinak aurkitu ditu Ertzaintzak. Kukutzako bizilagunek telebista zirkuitu itxi bat zuten eta eraikineko solairu bakoitzean gertatzen ari zena kamerekin kontrolatzen zuten.
Egoera "oso zaila" zen eta horregatik ertzainak zoriondu ditu Aresek. Ertzaintzak hiru aldiz kargatu behar izan du "jazarpenari" erantzuteko, Herrizaingo sailburuaren ahotan.
Bestalde, Ricardo Barkala Bilboko Udaleko Etxebizitza zinegotziak azaldu duenez, gaztetxearen inguruko ekintzen "legezkotasuna" epailearen aurrean defendatuko dute Udaleko ordezkariek ostegunean. Gainera, Ertzaintzaren "profesionaltasuna" defendatu du Barkalak, "eraikina husteko agindu judiziala bete duelako".
ELA Ertzaintza sindikatua operazioaren "aurka" agertu da, Kukutxa "Errekaldeko auzoaren babesa duen egitasmoa delako". Zentzu horretan, Ertzaintza herritarren kontra aritzea bilatzen ari direla salatu du ELAk.
Zure interesekoa izan daiteke
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.