Abortuak EAEra bideratu nahi izatea egotzi dio lehendakariak Errioxari
Patxi Lopez lehendakariak abortuak EAEra bideratu nahi izatea leporatu dio Pedro Sanz Errioxako presidenteari, izan ere, Errioxako Gobernuak 500 emakume errioxarren abortuak Euskadin egitearen truke Arabatik joandako gaixoak artatuko dituela proposatu dio Jaurlaritzari.
Lehendakariak agerraldia egin du Legebiltzarrean Errioxako Gobernuak Arabako gaixoak artatzeari utzi ondoren sortu den polemikaz hitz egiteko.
Lehendakariak esan du Errioxako Gobernuaren jarrera eta presidentearena bereziki "erabat onartezinak" direla, osasun zerbitzua jasotzeko eskubide unibertsalaren kontra doalako.
Lehendakariaren esanetan, "badirudi Sanzi ez zaiola gustatzun emakumeek bere erkidegoan abortatu ahal izatea, baina legalki ezin duenez debekatu, bere erkidegotik kanpora bidali nahi ditu abortuak".
Lehendakariak lehenengo aldiz hitz egin du osasun gatazka honen inguruan eta oso kritiko agertu da Errioxako Gobernuaren eskaintzarekin.
Patxi Lopezek berretsi du ez diola Sanzi "euskal herritarren osasunarekin jolasten utziko".
Bestalde, gatazka honen kontura Mariano Rajoy Gobernuko presidentearen "isiltasun lotsagabea" gaitzetsi du lehendakariak. Hori dela eta, Rajoyri eta Leire Pajin jarduneko Osasun ministroari gutuna bidali die berehala esku har dezaten eta Arabako gaixoak Errioxako ospitaleetan arta ditzaten.
Doako garraioa
Era berean, arabar Errioxako herritarrak Gasteizen artatzeko doako garraioa jar diezaietela eskatu du lehendakariak eta Rafael Bengoa Osasun sailburuari eman dio Arabako Aldundiari eskakizun hori egiteko ardura.
Zure interesekoa izan daiteke
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.