eitb.com-era bidalitako argazkia, Benito Lertxundiren diskoaren azala
eitb.com-era erabiltzaile batek bidali zuen argazkia eta ondoren ETBko 'Eguraldia' tartean eman zena Oroimenaren oraina izeneko Benito Lertxundiren hurrengo diskoaren azala izango da.
Jaizubiako Paduretan hartu zuen argazkia Hondarribian bizi den Mireia Berenguer 29 urteko kataluniarrak. Egunsentian egin zuen, laino trinkoa zela, eta isiltasun eta bakardade inguru magikoan. Horretarako, azken belaunaldiko sakeleko telefonoaren kamera, bereizmen handikoa, erabili zuen.
Egun horretan, 2012ko urtarrilaren 25ean, Iñaki Rodero Mireiaren lagunak argazkia eitb.com-en erabiltzaileentzat duten argazki eta bideo webgunera bidali zuen. Bertan, egunero Euskal Herriko bazter guztietatik dozenaka argazki aukeratzen dituzte, ondoren ETBko 'Eguraldia' tartean eskaintzeko. Roderok, egilearen izena adierazi gabe bidali zuen argazkia, horrela nahi izan zuelako Mireiak.
ETBko 'Eguraldia' tarteko lan-taldeak beste batzuen artean aukeratu zuen argazki hura ere eta gau hartan bertan eskaini zuen. Benito Lertxundik, Elkar diskoetxetik diotenez: "argazkia telebistan ikusi zuenean, ez zuen zalantzarik izan. Huraxe zen bere lan berriaren mamia hoberen marrazten zuen irudia: misterio eutsia, edertasun goiztiarra, bakardade gozoa eta basatia".
Sorpresa eta poza
Diskoetxetik eitb.com-ekin jarri ziren harremanetan. Halaber, EITBko webguneko argazki eta bideo erabiltzaileen zerbitzutik Iñaki Roderori deitu zioten eta honek berria sorpresa handiz hartu zuen.
Sorpresaz gainera, poz handia ere sentitu zituen Mireia Berenguer argazkiaren egileak bere argazkia Benito Letxundiren hurrengo diskoaren azala izango zela jakitean. 29 urteko kataluniarrak bederatzi urte daramatza Hondarribian bizitzen, Goikoerrota Naturgunean egiten du lan. Natureskola honetan arazoak dituzten ikasle eta gazteei terapiak animaliekin eskaintzen dizkiete, besteak beste.
Diskoa Oroimenaren oraina izenburupean argitaratuko da maiatzaren erdialdean eta horren zabalkunderako hainbat kontzertu garrantzitsu dakartza: maiatzaren 5ean Bilboko Euskalduna Jauregian, maiatzaren 19an Donostiako Kursaal Auditorian eta ekainaren 9an Iruñeko Baluarte Auditorioan.
eitb.com-era erabiltzaile batek bidali zuen argazkia eta ondoren ETBko 'Eguraldia' tartean eman zena Oroimenaren oraina izeneko Benito Lertxundiren hurrengo diskoaren azala izango da.Jaizubiako Paduretan hartu zuen argazkia Hondarribian bizi den Mireia Berenguer 29 urteko kataluniarrak. Egunsentian egin zuen, laino trinkoa zela, eta isiltasun eta bakardade inguru magikoan. Horretarako, azken belaunaldiko sakeleko telefonoaren kamera, bereizmen handikoa, erabili zuen.Egun horretan, 2012ko urtarrilaren 25ean, Iñaki Rodero Mireiaren lagunak argazkia eitb.com-en erabiltzaileentzat duten argazki eta bideo webgunera bidali zuen. Bertan, egunero Euskal Herriko bazter guztietatik dozenaka argazki aukeratzen dituzte, ondoren ETBko 'Eguraldia' tartean eskaintzeko. Roderok, egilearen izena adierazi gabe bidali zuen argazkia, horrela nahi izan zuelako Mireiak.ETBko 'Eguraldia' tarteko lan-taldeak beste batzuen artean aukeratu zuen argazki hura ere eta gau hartan bertan eskaini zuen. Benito Lertxundik, Elkar diskoetxetik diotenez: "argazkia telebistan ikusi zuenean, ez zuen zalantzarik izan. Huraxe zen bere lan berriaren mamia hoberen marrazten zuen irudia: misterio eutsia, edertasun goiztiarra, bakardade gozoa eta basatia".Sorpresa eta poza Diskoetxetik eitb.com-ekin jarri ziren harremanetan. Halaber, EITBko webguneko argazki eta bideo erabiltzaileen zerbitzutik Iñaki Roderori deitu zioten eta honek berria sorpresa handiz hartu zuen. Sorpresaz gainera, poz handia ere sentitu zituen Mireia Berenguer argazkiaren egileak bere argazkia Benito Letxundiren hurrengo diskoaren azala izango zela jakitean. 29 urteko kataluniarrak bederatzi urte daramatza Hondarribian bizitzen, Goikoerrota Naturgunean egiten du lan. Natureskola honetan arazoak dituzten ikasle eta gazteei terapiak animaliekin eskaintzen dizkiete, besteak beste.Diskoa Oroimenaren oraina izenburupean argitaratuko da maiatzaren erdialdean eta horren zabalkunderako hainbat kontzertu garrantzitsu dakartza: maiatzaren 5ean Bilboko Euskalduna Jauregian, maiatzaren 19an Donostiako Kursaal Auditorian eta ekainaren 9an Iruñeko Baluarte Auditorioan.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.