Bi hilketa delitu egotzi dizkiote Jose Bretoni
Bi hilketa delitu egotzi dizkio epaileak Jose Bretoni, inguruabar astungarri gisa maltzurkeria eta ahaidetasuna kontuan hartuta. Urriaren 8an Kordoban desagertutako Ruth eta Jose bi umeen aita da Jose Breton, eta horiek hil izana leporatu diote. Halaber, sumario sekretua bertan behera uztea erabaki du epaileak.
Hala baieztatu du Jose Maria Sanchez de Puerta Bretonen abokatuak, epaitegietatik irtetean. Las Quemadillasen, su baten hondakinetan, aurkitutako hezurren inguruko azken bi txostenak dagoeneko epailearen esku daudela baieztatu du bertan abokatuak. Bi txosten horiek aitaren familiaren etxean aurkitutako hezurrak gizakienak direla uzten dute agerian.
Bretonek egin zuen su hori, bi haurrak desagertu ziren egun berean. Hasiera batean, Polizia Zientifikoak egindako txostenak pertsonen hezurrik ez zegoela adierazi zuen arren, ondoren egindako beste hiru ikerketek kontrakoa plazaratu dute.
Gaur kaleratutako epaian, izapide berriak egitea eskatu du epaileak, eta Bretonek berriz ere deklaratu dezan eguna eta ordua eskatu ditu.
Sanchez de Puerta abokatuak aitortu duenez, defentsa lana zailagoa izango da aurrerantzean, eta oraindik ez du erabaki kasuak izan duen norabide aldaketaren aurrean zein ildori jarraituko dion.
Auzitegi-medikua ikerketatik kanpo utzi dute
Polizia Nazionalaren Zuzendaritza Orokorrak barne ikerketa bat hasi du, eta lehen txostena egin zuen auzitegiko medikua kargutik kendu dute, Las Quemadillas etxaldean aurkitutako arrastoak animalienak zirela ziurtatzeagatik.
Zure interesekoa izan daiteke
Gasteizko Udalak 8 orduko TAO tarifa berria ezarriko du gaurtik aurrera
Tiket berria 2. Eremuari aplikatuko zaio, eta zortzi euroan 10:00etatik 20:00etara aparkatzeko aukera emango du, ohiko etenaldiarekin, arratsaldeko ordu bietatik lauetara (TAOrik gabeko tartea).
Osakidetzak uste du gripe kasuek goia jo dutela dagoeneko
Atzemandako kasuek hiru astez jarraian behera egin ondoren, Osakidetzak ez du "gorakada handirik" espero egun hauetarako, Koldo Berganzo Asistentzia Sanitarioko zuzendariak azaldu duenez. Bere ustez, aurten izandako esperientziaren ostean, datozen urteetan txertoguneak martxan jarriko dituzte EAEko hiru lurraldeetan.
Gizon bat atxilotu dute Lezon, eztabaida baten ondoren establezimendu bateko langilea harrapatzen saiatzeagatik
Eusko Jaurlaritzako Segurtasun Sailak jakinarazi duenez, ostegun gauerdia pasata deia jaso zuen Ertzaintzak, lokalera joateako eskatuz. Izan ere, gizon bat hiru aldiz saiatu zen establezimenduko langileetako bat autoarekin harrapatzen, lokalaren kanpoaldean. Antza, horren aurretik liskarra izan zuten biek eta langileak bota egin zuen atxilotutako gizona.
Pregabalinarekiko mendekotasuna egonkortu egin da Erdu programak artatzen dituen gazte kalteberen artean
Gizarte-ahultasun handiko egoeran dauden adikzioak dituzten pertsonei arreta emateko programaren profil nagusia 18 eta 35 urte bitarteko gizonena da, asko etxerik gabekoak eta osasun mentaleko arazoak dituztenak.
Legez kanpoko "rave" batek ehunka lagun bildu ditu Albaceten
"Big Fucking Party" izenekoak mila ibilgailu baino gehiago bildu ditu Cenajoko urtegian, Hellin udalerrian (Albacete), urte berria dela eta festa "rave" bat ospatzeko. Momentuz, jaia normaltasunez ari dira ospatzen eta ez da istilurik izan.
Erriberrin desagertutako 68 urteko gizonaren bila jarraitzen dute
Abenduaren 31ko arratsaldean ikusi zuten azkenekoz, udalerri horretako adinekoen egoitza batetik irten ondoren.
Atzeratu egin da patinete elektrikoek nahitaezko asegurua izateko neurria, erregistroaren eraginkortasun ezagatik
Urtarrilaren 2rako aurreikusita zegoen erregistroa oraindik ez dago martxan. Horrek, beraz, atzeratu egiten du mugikortasun pertsonaleko ibilgailuetarako aseguruaren derrigortasuna.
Hiru pertsona hil dira Madrilen, etxebizitza batean piztutako sutean
Biktimetako bi kea arnasteagatik hil dira, eta hirugarrena erredurengatik.
Ikerketek genero-indarkeriako testuinguru batean kokatzen dute Fuenmayorgo parrizidioa
Familiako genero-indarkaria gertakari batean, 19 urteko gazte batek ustez bere aita hil zuen arma zuri batekin, abenduaren 31ko arratsaldean.
2025: Tragediak markatutako urtea errepideetan, batez ere Nafarroan
2025ean 90 pertsona hil dira trafiko istripuetan; horietatik, 47 Nafarroan.