Berdintasun politiketan atzera egiteko arriskua dago Emakunderen ustez
Maria Silvestre Emakunderen zuzendariaren iritziz, egungo krisiaren eta aurrekontuen murrizketen testuinguruan berdintasun politiketan "atzera" egiteko arriskua dago.
Jaurlaritzaren, Eudelen eta Aldundien elkarlanarekin sortutako "Beldur barik" kanpainaren aurkezpena egin du Emakundek.
Hirugarren urtez egin duten kanpaina honen helburua, euskal gazteen artean sexu-indarkeria saihestea da.
Gazteei ere eragiten dien gaitza da genero indarkeria, izan ere, EAEn tratu txarrak pairatzen dituzten emakumeen % 33, 30 urte baino gutxiago dituzte, Mariola Serrano Jaurlaritzaren Genero Indarkeriaren Biktimen Arretarako zuzendariak azaldu duenez.
Halaber, indarkeria fisikoaz gain, gazteen artean beste indarkeria batzuk daudela ohartarazi du, eta besteak beste, mutil batzuek "whatsapp" (mugikorren bitartez mezuak bidaltzeko sistema) edo sare sozialen bitartez neskak kontrolatzen dituztela azaldu du.
"Isileko" indarkeria dela adierazi du, "baina horrekin amaitzeko aintzat hartu behar da".
"Aurrekontuetan murrizketak egiten ari diren testuinguru honetan, berdintasun politiketan atzera egin" daitekeela ohartarazi dute, nahiz eta "agian EAEko erakundeetan ez den ematen", gaineratu du.
Horregatik, berdintasun politikak ez direla "apaindura" bat defendatu dute.
"Beldur Barik" proiektuak Eudelen koordinaziopean egiten den "Berdinsarea" programaren eta EAEko erakunde guztien babesa du.
Azkenik, estereotipoak hausteko bideoen "Beldur Barik" lehiaketak 131 lan jaso ditu eta Artiumen egingo duten ekitaldian jakinaraziko dira irabazleen izenak.
Zure interesekoa izan daiteke
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.