Euskal hezkuntza sistemaren alde egiteko eskatu die Celaak alderdiei
Gobernuak proposatu duen hezkuntza erreformaren aurrean, euskal hezkuntza sistemaren alde egiteko eskatu die alderdiei Isabel Celaa jarduneko Hezkuntza, Unibertsitate eta Ikerkuntza sailburuak. Erreforma "PPk PPrentzat egindakoa da", Celaaren ustez, eta "PPren eskuin muturrean daudenak asebete nahi ditu".
Jose Ignacio Wert Espainiako Gobernuko Hezkuntza ministroak atzo Hezkuntzaren Kalitatea Hobetzeko Legearen zirriborroa aurkeztu eta gero, horri buruzko prentsaurrekoa eskaini du Celaak. Jarduneko sailburuak esan duenez, erreforma "PPk PPrentzat egindakoa da, eta Madrilgo Erkidegoko hezkuntza politikan oinarritzen da". Gainera, Hezkuntzaren Lege Organikoaren filosofia urratzen du, hau da, berdintasuna eta parekidetasuna.
Celaaren iritzian, erreformak "gastuak murriztu besterik ez du nahi, baina horrek gastu txikiko hezkuntza sistema bat izatea ekarriko du".
Proposamena une oro aldatzen ari direla kritikatu du, eta proiektua erretiratzeko eskatu dio Werti. Celaaren aburuz, gaur egungo euskal hezkuntza sistema "adostasunaren emaitza da, ondo funtzionatzen du, eta emaitza onak ematen ditu. Gainera, legeek eta dekretuek babesten dute".
"Beste esparru batzuetatik lege mailan datozen eta eskumenak urratzen dituzten erabakiak Auzitegi Konstituzionalera eraman beharko lirateke, baina hori hurrengo agintarien ardura da", esan du Celaak hurrengo agintaldian Eusko Jaurlaritza gidatuko duen alderdiari, EAJri, zuzenduta.
Testuaren beste alde batzuen harian, haur hezkuntza asistentziazkoa bilakatu dela eta Lan Heziketa "bigarren mailakotzat" jotzen duela kritikatu du. Gainera, Erlijioa beste irakasgai bat izateko "blindatu" egin dutela salatu du.
Ikasleak sexuaren arabera banatzea baztertzen duela esan du Celaak. Horrez gain, "ikasketak egiteko zentroa aukeratzeko askatasunak" Administrazioaren plangintza urratzen duela azaldu du; izan ere, "ezin dute azken unera arte zain egon".
"Espezialitateko" hizkuntza bihurtuz, Wertek euskara hirugarren mailako hizkuntza bihurtu nahi duela ere salatu du Celaak.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.