Ikerketa zabalik eta inputaziorik ez, Iñigo Cabacas hil eta urtebetera
Gaur urtebete, Iñigo Cabacas Athletic Clubeko zalea larri zauritu zen, Ertzaintzaren pilotakada batek buruan jota. Lau egun geroago hil zen, ospitalean. Gaur egun, ikerketa judiziala zabalik dago, baina oraindik ez dute inor inputatu eta zalantza ugari argitu gabe dago.
Tragedia iazko apirilaren 5ean jazo zen, gauerdia iristear zela, Bilboko Maria Diaz de Haro kalean, San Mames estadiotik gertu dagoen kalezulo batean. Inguru horretan, milaka zale elkartu ohi dira Athleticen partida egunetan.
Egun horretan, hain zuzen ere, Athletic eta Schalke 04 taldeek jokatu zuten, eta zuri-gorriak Europa Leagueko finalerdiak jokatzeko sailkatu ziren. Horrenbestez, festa giro handia zegoen Bilbon.
Partidaren ostean, Ertzaintza oldartu egin zen Maria Diaz de Haro kalean, eta gomazko pilotak jaurti zituen. Horietako batek Iñigo Cabacas jo zuen, buruan, lagunekin taberna baten kanpoaldean zegoela, inolako istilutan parte hartu gabe.
Rodolfo Ares Herrizaingo sailburu ohiak ikerketa "azkenera" eramango zutela agindu zuen, baina oraingoz zehaztasun garrantzitsuenak argitu gabe daude, hala nola nork eta zergatik agindu zuen oldartzea eta nork egin zuen Cabacas hil zuen tiroa.
Auzitegietan, ikerketa Bilboko 10 zenbakiko epaitegiaren esku dago. Auzia zabalik dago oraindik, eta luzerako izango dela dirudi. Aste hauetan, gau horretan Bilbon guardian zeuden ertzain guztiak (63 orotara) deklaratzen ari dira. Oraingoz, ez dute inor inputatu.
EiTBk jakin izan duenez, orain arte lau agentek aitortu dute gau horretan tiro egin izana.
Athleticeko jokalariek omenaldia egin zioten Iñigo Cabacasi, partida baten hasieran./EFE
Duela aste batzuk, Juan Calparsoro EAEko fiskalburuak oraingoz delitu zantzurik ez dagoela baieztatu zuen. Iaz, gertatutakoa arduragabekeriazko homizidio delitua edo istripua izan litekeela ohartarazi zuen.
Iñigo Cabacas 28 urtekoa zen, eta gurasoek taberna bat zuten Bilbon. Gaur egun, baina, itxita dago. Semearen heriotzaren lehen urteurrena dela eta, ETBko "60 minutos" saioan hitz egin dute.
Horretan, Iñigo Cabacasen amak, Fina Liceranzuk, semea "jomuga" izan zela salatu du: "Ertzainei bizkarra ematen ari zen eta hemen (buruan) eman zioten. Berehala hil zen. Zergatik hil nahi izan zuten? Zergatik hil zuten? Zertarako?".
Aitak, Manuel Cabacasek, Maria Diaz de Haro kalean "festa" zegoela azaldu du, "ez manifestazio bat, ez kale borroka, ez asanblea bat". "Festa zegoen, eta ertzainak ezin dira joan ziren moduan joan", salatu du.
Jone Goirizelaiak, Cabacas Liceranzu sendiaren abokatuak, argudio horietan sakondu du: "Gau horretan ez zen ezer gertatzen ari; Ertzaintzaren jokaera neurrigabea izan zen".
Gervasio Gabirondo Ertzaintzak egun duen zuzendariak "deitoratu" egin du Iñigo Cabacasen heriotza, eta gertatutakoa "istripua" izan zela esan du: "Ertzainek ez zuten hori egiteko [Iñigo hiltzeko] asmorik".
Iñigo Cabacasen aldeko manifestazio bat./EFE
HAINBAT OMENALDI
Senideek eta lagunek Iñigo Cabacasen aldeko hainbat omenaldi egingo dituzte egunotan.
Gaur arratsaldean, 19:00etan, ekitaldi bat egingo dute gaztea zauritu zen lekuan. Lore-sorta bat utzi, eta plaka bat jarriko dute bertan.
Gainera, asteartean, apirilaren 9an, 10:00etan, beste omenaldi bat egingo dute Bilboko Kafe Antzokian. Besteak beste, dokumental bat ikusi ahal izango da, eta Jare musika talde bizkaitarrak kontzertua eskainiko du.
Hilaren 10ean eta 11n, hainbat hitzaldi eskainiko dituzte Bilboko Hika Ateneoan, eta larunbatean, hilaren 13an, manifestazio bat egingo dute, 18:00etan, Jesusen Bihotza plazatik hasita.
Zure interesekoa izan daiteke
Olentzeroren bilakaera: Gizon arlote eta zikina izatetik lagunkoia eta garbia izatera
Olentzero pertsonaia beldurgarri, zikin, erretzaile eta mozkor izatetik Gabonetako pertsonaia lagunkoia izatera pasa da. Horren itxura eta izaera asko aldatu dira, eta gaur gaurkoz olentzero piparik gabe eta txukun ageri zaigu. Ikazkina eta Mari Domingi euskal aldaketa sozial eta kulturalen isla dira. Hala azaldu du Elixabete Imaz antropologoak.
Barakaldoko 54 urteko emakumearen heriotza hilketa matxista izan dela baieztatu dute
27 urteko gizon bat atxilotu dute ustezko hiltzaile gisa. Agintariek hilketa gaitzetsi eta elkarretaratzea deitu dute biharko: 12:00etan, Barakaldoko Herriko Plazan. Argitan talde feministak, bestalde, beste bilkura bat deitu du astearterako, 19:00etan Bide Onera plazan.
Emakume batek sexu erasoa egin diotela salatu du Eibarren
Erasoa igandean gertatu zen, eta Ertzaintzak ikerketa zabaldu du. Oraingoz ez dute atxiloketarik egin.
Auto baten gidaria hil da GI-636 errepidean, Lezon, kamioi batekin aurrez aurre talka eginda
Errepidea itxita egon da bi noranzkoetan larrialdi zerbitzuak lanean aritu direnean eta errepidea garbitzeko lanek iraun duten bitartean. 17:45ak aldera zabaldu dute eta egoera normaltasunera itzuli da.
Olentzerok eta Mari Domingik ilusioz beteko dituzte Bilboko kaleak astearte honetan
Kalejira 17:30ean hasiko da Moyua plazatik eta Kale Nagusia zeharkatuko du Arriaga Antzokiraino. Bertan, ikuskizuna, tailerrak eta Euskal Herriko Gabonetako pertsonaiarik maitatuenen bisita izango dira.
2026ko txertaketa egutegia eguneratu du Osasun Sailak, helduentzat arnas birus sintzitialaren aurkako txertoa sartuz
34,5 milioi euro bideratuko ditu Eusko Jaurlaritzako Osasun Sailak txertoetara 2026an, Euskadiko Txertoen Aholku Batzordearen gomendioak aintzat hartu, eta txerto berriak sartuz heldu zein haurren egutegietan, herritarren immunitatea indartzen jarraitzeko.
Abadiñoko bizilagunak, hunkituta, sari nagusiko dezimoak kultur elkarte bati esker eskuratu dituzte eta
79432 zenbakiari egokitu zaio Gabonetako Loteriaren zozketa bereziaren sari nagusia, seriko lau milioi euroko saria dakar (dezimo bakoitzeko 400.000 euro).
Bimba y Lola saltokiko langileei bigarren saria egokitu zaie
Bigarren sariak (70.048) zoriona banatu du Bilboko eta Donostiako Bimba y Lola moda kateko saltzaileen artean, zenbaki horrekin jokatzen baitzuen enpresak. 125.000 euro jasoko dituzte dezimo bakoitzeko.
Lau bosgarren sarik (23112, 60649, 77715 eta 41716) 400.000 eurotik gora utzi dituzte Euskal Herrian
Lehenak, 23112ak, 180.000 euro banatu ditu Usurbilgo Urbil merkataritza-gunean eta Bilbon. 60649aren serie bat Gasteizen, Leclerc saltokian, jausi da, eta 41716ren beste bat, Donostian . 77715 zenbakia oso banatua egon da eta Iruñean, Bilbon eta Leioan jausi da.
Igorreko errugbi taldeak 14 milioi banatu ditu hirugarren sariarekin (90693)
Hirugarren saria (90.693) oso txoko askotan banatu da. Zenbakia toki askotan saldu da. Igorren, adibidez, 14 milioi euro baino gehiago utzi ditu. Arratiko Zekorrak errugbi taldeak eskuratu zituen saritutako hirugarren zenbaki horretako serie guztiak.