Osasun Ministerioak erkidegoekin adostu du bitartekari bat izendatzea medikuen Greba Batzordearekin negoziatzeko
Sindikatuek eta Ministerioak zehaztu eta onartu beharko dute nor izango den bitartekari hori.
Osasun ministroa, Monica Garcia, Osasun Sistema Nazionaleko Lurralde arteko Kontseiluan autonomia erkidegoetako osasun kontseilariekin. Argazkia: Ministerio de Salud
Gaztela eta Leongo Osasun kontseilari Alejandro Vazquezek, PPko kontseilarien ordezkari gisa, gaur jakinarazi duenez, akordioa adostu dute Osasun Ministerioarekin, medikuen Greba Batzordearekin egin beharreko negoziazioetan bitartekari bat ezartzeko.
Vazquezek Osasun Sistema Nazionaleko Lurralde arteko Kontseiluaren osoko bilkuraren ostean hedabideei egindako adierazpenetan esan du hori. Izan ere, bilerak lau ordu inguru iraun du, eta medikuen greban oinarritu da. Hala, azaldu du bitartekaritzan aritzeko izen batzuk proposatu direla, baina ez da zehaztu nork egingo duen arbitraje-lana Espainiako Ministerioaren eta sindikatuen artean. Horren arabera, Ministerioak eta sindikatuek eurek zehaztu eta onartu behar dute nor izango den bitartekaria.
Vazquezek ohartarazi duenez, Osasun Sailak apirilaren 27rako ezarritako hurrengo greba-deialdia hasi arteko epea du greba geldiarazteko.
Zure interesekoa izan daiteke
Kontrolatu dute Gueñesen piztutako baso sutea
Urritik aurrera, Osakidetzan egingo dituzte 10 aste baino gutxiagoko borondatezko abortuak
Asteburuan babes neurriak indartuko dituzte Orio parean su hartu duen itsasontziaren kontura
0-4 urteko haurra duten familientzako 20.500 laguntza eskaera baino gehiago jaso ditu Jaurlaritzak
Gutxienez asteartera arte ezingo da txorrotako ura edan Arrasaten
26 eta 19 urteko kartzela zigorra Federico Martin Aranburu Biarritz Olimpiqueko errugbi jokalari ohia hiltzeagatik akusatutako bi lagunentzat
Derecho a Techo taldeak izena aldatu du eta aurrerantzean ez da Negu Gorriak izango
Elkarretaratzea egin dute Gasteizen bi seme-alaba adingabe dituen familia baten etxegabetzea salatzeko
Iturriko ura ez edateko gomendioari eusten diote Arrasaten
