Lekukoen deklarazioen txanda, Lukas Agirreren heriotzaren epaiketan
Lukas Agirreren lagun eta senitartekoak, justizia eske. Argazkia: EITB Media
Joan den ostiralean, epaiketaren lehen saioan, epaimahaia osatu ondoren, astelehen honetan hasiko dira Lukas Agirreren heriotzari buruzko epaiketan lehen lekukoen deklarazioak. Jorge Bermudez fiskalak 22 urteko espetxe-zigorra eskatu du 2022ko Gabonetan gaztea labankadaz hiltzea egotzita dauden hiru auzipetuetatik birentzat.
Zehazki, 22 urteko zigorra eskatzen du bi labankaden ustezko egilearentzat zein beste gazte batentzat, beharrezko laguntzaile izatea egotzita. Horrekin batera, krimena gertatu zenean haiekin zegoen emakumearentzat —estaltzaile gisa inputatua— Fiskaltzak hiru urteko espetxe-zigorra eskatzen du.
Azkenean bost gizonek eta lau emakumek osatutako epaimahai batek epaituko du auzia.
25 urterainoko eskaerak
Biktimaren senideak ordezkatzen dituzten bi akusazio partikularrek, berriz, 25 urte arteko espetxe-zigorra eskatzen dute bi gizonezkoentzat, eta bi urtekoa, emakumearentzat.
Epaiketaren hasieran, akusazio publikoa ordezkatzen duen fiskalak adierazi zuen badirela “errugabetasun-presuntzioa suntsitzeko adina zantzu” prozedura honetan auzipetutako hiru lagunen aurka.
Gertakariak
Fiskaltzaren idazkiaren arabera, gertakariak 2022ko Eguberri eguneko goizaldean izan ziren. Lukas Agirre lagun batzuekin zegoen Donostiako erdialdeko diskoteka batean, eta han zeuden, baita ere, hiru auzipetuak.
Jai-aretotik kanpo, goizeko 06:00ak aldera, bi taldeen artean “liskar” bat gertatu zen. Une horretan, akusatu nagusiak Lukas Agirre laban batekin sastatu omen zuen; laban hori beste auzipetuak eman omen zion aurretik.
Fiskaltzaren ustez, auzipetutako emakumeak ere ikerketari oztopoak jarri zizkion, bi gizonek “erantzukizun penalak saihestu” zitzaten.
Zure interesekoa izan daiteke
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.