Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
"Geroa eraikiz" lelopean Herri Urrats jendetsua egin dute gaurkoan Senperen. Ez dute hutsik egin euskaltzaleek eta aurtengoan ere Iparraldeko Ikastolei euren laguntza eta babesa adierazi diete Euskal Herria osotik iritsitako milaka lagunek.
Senpereko laku ingurua jendez lepo izan da goizetik, antolatzaileek atondutako egitarau zabalak eta goizeko eguzkiak animatuta.
Bertsolariak, dantza emanaldiak eta herri kirolak ez dira falta izan, ezta haurrentzako jolasak, tailerrak eta animazioa ere.
Arratsalde partean, berriz, kontzertuak izan dira nagusi. Punta-puntako taldeak aritu dira, gainera: Anje Duhalde, Olaia Inziarte, Mirua, Janus Lester, Lin Ton Taun, Xiberoots, Auhen, Niña Coyote eta Chico Tornado, eta La Txama, esaterako.
Festa eguna izan da, baina aldarrikapenak ere izan du lekua. Hain zuzen ere, Euskal Herri osoa aldenik alde zeharkatu duen euri-frontea bertara iristearekin bateratsu, festa eten dute, eta 17:00etan, aurreikusi bezala, ekitaldia egin dute azterketak euskaraz egiteko eskubidea aldarrikatzeko.
Gogoratu behar da asteon Bernat Etxepare lizeoko ikasleek iragarri duten desobedientziarako asmoa, ekainaren 12an egin behar duten baxoko matematikako azterketa euskaraz egingo dutela ziurtatu baitute, horrek eurentzat izan ditzakeen ondorioak asumituta. Frantziar estatuan baxoa frantsesez egitera behartuta daude eta Seaskako ikasleak aspalditik ari dira azterketa hori osoki euskaraz egiteko eskubidea aldarrikatzen.
Aurtengo Herri Urrats jaiak “Geroa eraikiz” leloa izan du, hain zuzen ere, “aurtengo helburuarekin oso lotuta dagoen leloa”, antolatzaileen esanetan. Izan ere, urte osoan bezala, gaurko egunean zehar bildu den dirua Donapaleun lizeo berri bat eraikitzera bideratuko da. “Lizeo berriak geroa irudikatzen du, eta ‘eraikiz’ hitzak balioan jartzen du Herri Urratsetan jasotzen den sostengua zertarako erabiltzen den, Ikastolak eraikitzeko”, azaldu dute.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.