Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Ertzaintzak 16 eta 17 urteko bi adingabe eta haien aita (35 urtekoa) atxilotu ditu Gasteizen, semeetako baten ikaskide ohi bati estortsioa egiteagatik. Dirua eskatu zioten biluzik ageri zen zenbait irudi ez erakustearen truke.
Otsailean, bi anaietako bat 15 urteko ikaskide ohi batekin harremanetan jarri zen, eta diru kopuru jakin bat emateko eskatu zion. Hori egin ezean, duela bi urte grabatu zuen bideo bat zabalduko zuela ohartarazi zion. Bideo horretan biluzik agertzen zen biktima, ikasten ari ziren ikastetxeko dutxetan.
Mutilak ordainketa egin zuen, baina handik bi astera bere ikaskide ohia berriro jarri zen berarekin harremanetan, sare sozialen bidez, diru gehiago eskatzeko.
Egun batzuk geroago, hitzordua jarri zuten, eta, antza denez, estortsioaren biktimari makila batekin eta labana batekin egin zioten eraso.
Atzo, biktimak beste hitzordu bat izan zuen ikaskide ohiarekin, eta haren anaia eta aita ere azaldu ziren. Labana batekin mehatxatu zuten mutila, kolpatu egin zuten, eta dirua eta urrea emateko eskatu zioten.
Ertzaintzak larunbat honetan jakinarazi duenez, hiru susmagarriak ostiralean bertan atxilotu zituzten, polizia aurrekariak baitituzte.
Zure interesekoa izan daiteke
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
"Euskaraz bizi eta lan egiteko baldintza politiko eta sozialak eraikitzea" aldarrikatu du Kontseiluak
Bilbon egin ditu adierazpenok, "euskaraz bizi eta lan egiteko eskubidearen alde" ELA, LAB eta Steilas sindikatuek deitutako manifestazioaren atarian.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.