Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Ertzaintzak 28 urteko gizon bat atxilotu du Gasteizen, joan den astean bikotekide ohiari Agurainen sexu-erasoa egiteagatik, urruntze-agindua urratuta.
Eusko Jaurlaritzaren Segurtasun Sailak jakitera eman duenez, atxiloketa eragin duten gertakariak joan den astean izan ziren, Agurainen. Erasotzaileak Arabako hiriburutik eraman zuen biktima indarrez. Emakumearengandik urruntzeko agindua zuen arren, hurbildu egin zitzaion, ibilgailu batean sartu, eta Agurainera eraman zuen. Bidean, sakelako telefonoa kendu zion.
Aguraingo etxebizitza batean egin zion sexu-erasoa. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Atxilotuak aurrekari polizialak ditu genero-indarkeriagatik. Atzo, ostirala, epailearen esku utzi zuten, eta hark espetxeratzeko agindua eman zuen.
Zure interesekoa izan daiteke
Leon XIV.a aita santua Espainiara iritsi da
Madrilera iritsi denean, Felipe VI .a eta Letizia errege-erreginek, Pedro Sanchez Espainiako Gobernuko presidenteak eta hainbat agintarik harrera egin diote. Horrela abiatu dute Leon XIV.ak Espainiara eta EBko herrialde batera egindako lehen bidaiaren agenda ofiziala.
Herritarren erdiek Adimen Artifiziala erabiltzen duten erremintak erabiltzen dituzte
EITB Focusek Adimen Artifizialaren erabilera aztertu du.
Leon XIV.a aita santua sexu-abusuen biktimekin bilduko da Espainian
Vatikanoak ez du topaketari buruzko xehetasun gehiagorik eman. Aita santuak Madril, Bartzelona, Kanaria Handia eta Tenerife bisitatuko ditu larunbata eta ekainaren 12a bitartean.
10 urte geroago, sokamuturrak itzuliko dira Eibarko Untzaga plazara
40 bat elkartek atzerapausoa dela salatu dute, eta elkarretaratzea deitu dute ekainaren 16rako. Herritarren artean, aldeko eta kontrako iritziak daude.
Azken agurra eman diete Iruñean Elgoibarko istripuan hildako bost foruzainei
Maria Chivite presidentea buru, jendetza joan da Iruñeko katedralera, Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont foruzainei azken agurra eman eta senideak babestera.
Xenpelar auzian Udalak izandako jokabidea berretsi du Errenteriako alkateak Fiskaltzaren aurrean
Aizpea Otaegik agerraldia egin du Adingabeen Fiskaltzaren aurrean, Xenpelar auziaren harira, eta Udalak balizko genero-indarkeria kasuen aurrean egindako kudeaketa babestu du. Azpimarratu duenez, beharrezkoa da lanean jarraitzea biktimak babestu eta antzeko egoerak saihesteko.
Konpondu dira A-8 autobideko zirkulazioa zaildu duten auto-ilarak
Arratsalde korapilatsua izan da A-8 autobidean, Kantabriarako noranzkoan, lau istripu gertatu baitira bideko hainbat puntutan. Trafikoa normaltasunera itzuli da arratsalde erdian, 18:20 aldera.
Errugabe jo ditu epaileak Zestoako gizon baten integritate moralaren kontrako delituengatik epaitutako seiak
Abenduan egin zen epaiketa. Gizonezko batek osotasun moralaren aurkako delitua leporatu zien bikotekide ohiari eta beste bost herritarri, eta espetxe zigorra eta isunak eskatu zituen. Akusatuetako lau neskaren lagunak dira, eta bostgarrena, egun Zestoako alkate den Mikel Arregi. Epaileak absolbitu egin ditu guztiak.
Bilbok minbiziaren aurkako bigarren martxa hartuko du ekainaren 14an
Antolatzaileek espero dute 2.500 pertsona baino gehiago batzea hitzordu solidario horretan. Bizi-ohitura osasungarriak sustatzea izango du helburu, eta minbiziaren prebentzioaren eta ikerketaren garrantziaz kontzientziatzea, bereziki gizonezkoak.
Konponduta daude Lasarte-Orian eta Abanton izandako trafiko eragozpenak
Ostiral goizeko lehen ordua konplikatua izan da euskal errepide sareko puntu askotan, istripuak izan baitira han eta hemen, baina egoera bere onera itzuli da jada denean.