Euskadira etortzen diren turistek 700 € gastatzen dituzte batezbeste
Euskadira datozen turistek 700 euro gastatzen dituzte batezbeste eta lau gau eta erdiko egonaldia egiten dute. "Ibiltur Aisialdia 2012" txostenak jaso ditu datu horiek.
Itziar Epalza Merkataritza eta Turismo sailburuordeak eta Arantza Madariaga Basquetourreko zuzendariak eman dituzte ezagutzera datu hauek. Txostena egiteko 4.642 turistei elkarrizketak egin zaizkie 2012ko maiatza eta 2013ko apirila bitartean.
Euskadira aisialdi arrazoiengatik etortzen direnen gehiengoak "bikaintzat" jotzen du bidaiaren helmuga, tratua eta jasotako arreta eta %98k gomendatuko luke Euskadi. Gastronomia, paisaia, ingurunea eta jendea dira turistek gehien baloratzen dituzten arloak.
Turisten profila
Turisten profila nahiko orekatua da: %43,5 30 eta 50 urte artekoak dira. %48,9 gizonezkoak dira eta %51,1 emakumeak. Gehiengoak erdi edo goi mailako unibertsitate ikasketak ditu eta bostetik bi maila sozioekonomiko aberatsekoa da.
Euskadira datozen turisten %61,7 estatu espainiarrekoak dira, %26,8 Europakoak eta %11,5 mundukoak. Autonomia erkidegoaren arabera, Madrildik eta Kataluniatik etortzen dira turista gehienak.
Euskadi bisitatzeko helburu nagusia, helmuga, oro har, ezagutzea da, batez ere hiriak. Bilbon Guggenehim museoa, Gasteizen hiria osotasunean eta Donostiako txokoak ezagutu nahi izaten dituzte turistek.
Bidairi buruzko informazioa
Bidaia egin aurretik, lau turistatik hiruk Euskadiri buruzko aurretiko informazioa zuten. Euskadiri buruzko informazioa jasotzeko bide nagusia senitartekoak eta lagunak eta Internet dira. Euskadira bidaiatzen duten ia turista gehienek erreserbaren bat egiten dute aurretik. %55,78k internet erabiltzen du horretarako.
Turistek 700 euro gastatzen dituzte batezbeste Euskadin, eta gehien gastatzen dutenak urrutiko herrialdeetaik etortzen direnak eta adinekoak dira. Merkatuen artean Erresuma Batua (938 euro), Europan, eta AEB (1.572 euro) nabarmentzen dira. Estatu espainiarraren barruan, katalanek madrildarrek baino gehiago gastatzen dute.
Albiste gehiago gizartea
Iruñea, 'Riau Riau' abestiaren erritmoan dantzan
Sanferminetan ohikoa den puntualtasunarekin, igandeko arratsaldeko 18:00etan, ehunka lagunek Udaletxeko plazaren eta San Lorentzo elizaren arteko ibilbidea egin dute 'Riau Riau' abesti herrikoiaren erritmoan, Mutilzarra Peñak antolatua.
Sanferminak hastearekin batera, buruhandiak eta kilikiak atera dira kalera haurren gozamenerako
Iruñeko Erraldoi eta Buruhandien Konpartsa sanferminetako ikur handienetako bat da. Zehazki, 25 pertsonaia ditu konpartsak: 8 erraldoi, 5 buruhandi, 6 kiliki eta 6 zaldiko. Iruindarrek gehien maite duten tradizioetako bat da.
Zer hartzen dute Iruñean sanferminetako ohiko hamaiketakoan?
Eguraldia eta umore ona lagun, jende andana bildu da Alde Zaharrean. Iruindarrak bapo-bapo jarri dira arrautza frijituekin, txistorrarekin, tortillarekin, urdaiazpikoarekin eta, jakina, kalimotxoa edo sangria bezalako edariekin. Familiak eta lagun kuadrilak Iruñeko kaleetan eta tabernetan elkartu dira, ohiko hamaiketakoan, indarrak hartzeko.
Palestinarekiko elkartasun mezua "esan beharra nuen" esan du txupinazoko protagonistak
Yala Nafarroa Palestinarekin plataformako ordezkariek "Stop genocide" eta "Free Palestine" oihukatu dute sanferminetako txupinazoan, protokoloa hautsiz. Bat-bateko ekintza horrek ordezkari politikoen erreakzioa ekarri du.
"Busti Zaitez" esklerosi anizkoitzaren gainean sentsibilizatzeko kanpainak 25 urte bete ditu
Esklerosi anizkoitza duten pertsonei elkartasuna adierazteko eta euren errehabilitazio-zentroetarako dirua biltzeko helburuz, ehunka pertsona "bustitu" dira Getxoko Ereaga hondartzan.
Eusko Legebiltzarraren 45. urteurrena ospatzeko emanaldi berezia izan da Donostiako Kursaalen
Kontzertu berezia antolatu du Eusko Legebiltzarrak urtemuga ospatzeko. Bakartxo Tejeria lehendakaria buru duen Eusko Legebiltzarreko Mahaia, Imanol Pradales Eusko Jaurlaritzako lehendakaria, sailburuak, diputatuak eta alderdietako ordezkariak izan dira Donostian.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Pertsona bat atxilotu dute sanferminetako txupinazoaren aurretik, Udaltzaingoak Santo Domingon kargatu ostean
Udaltzainek esku behar izan dute gazte-talde handi bat Udaletxe Plazara indarrez sartzen saiatzen ari zelako, polizia-hesia apurtuz eta sarbidea itxita zegoenean. Atxilotutako pertsonari desordena publikoak eta agenteen aurkako atentatua leporatu diote. Radio Euskadik grabatutako irudiak.
Panticosako bainuetxeko errepidea berriz ireki dute
Ostegunetik zegoen itxita, errepidera harriak eta lurra erori baitziren, ur-zaparrada batek eraginda.
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.