Protesta artean hasi dute ikasturtea NUPen
Nafarroako Unibertsitate Publikoko (NUP) ikasle eta langileek murrizketa eta tasa igoeren aurkako protestak egin dituzte ikasturte berriaren hasiera ekitaldian.
Ikasleek ekitaldira joaten ez dietela utzi salatu dute. Hala ere, bi ikaslek eraikinera sartzea lortu dute eta ekitaldia eten dute.
"Ikasturtearen hasiera ekitaldiak ikasleentzat izan behar du, ez du poliziak etorri beharrik, ikasle, irakasle eta administrazioaren arloan aritzen diren langileei zuzenduriko ekitaldia izan behar du", azpimarratu du ikasleen ordezkari batek.
"Gobernuari esan nahi diogu ez gaudela ados urtez urte aurrekoentuentan egiten diren murrizketekin", gainaratu du. Azaldu duenez, "unibertsitatean ematen ari den merkantilizazio prozesua gelditzea nahi dugu". "Barcina Go Home" elkarteko kideekin batera bildu dira ikasleak.
Tentsio uneak ere izan da bilkuran, hainbat manifestari eraikinera gerturatzen saiatu direnean.
Errektorearen kritikak
Ikasturte berriaren hasierako ekitaldi ofizialean Yolanda Barcina Nafarroako presidenteak eta Julio Lafuente NUPeko errektoreak parte hartu dute, besteak beste. Lafuentek deituratu egin du aukera berdintasunen inguruan unibertsitate publikoan gertatzen ari den atzeraldia. "Ez du zentzurik beka bat lortzeko nahiko bat baino gehiago eskatzeak", adierazi du.
Errektorearen aburuz, "unibertsitatearen arloan ematen diren aldaketek unibertsitate publikoa eskaintzen ari den aukera berdintasunean ez eragitea lortu behar da". "Unibertsitateko ikasketen prezioaren igoerak eta beka bat lortzeko baldintzen gogortasunak gaindiezinak diren oztopo bihurtzen ari dira", azpimarratu du.
Unibertsitate publikoan ikasten duenari emaitzak eskatzea defendatu du Lafuentek, baina gaineratu du, "arrazoizkoa" ikusten duela "beka bat mantendu ahal izateko azterketak gainditzea". "Ez du zentzurik nahiko bat baino gehiago eskatzeak", esan du.
Espainiako Unibertsitateen Errektoreen Elkartea "egoera berbideratzeko" lanean ari dela azpimarratu du. "Modu horretan Espainiako unibertsitate publikoak merezimenduak eta nahikoa ahalmen dutenei unibertsitate-ikasketak eskaini ahal izango dizkio", amaitu du.
Zure interesekoa izan daiteke
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
EHEk adierazi du sindikatuak bost konpromiso eskatu dizkiola, bestela bide judiziala abiatuko duela ohartaraziz, eta egoera “onartezina” dela salatu du.
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.