Fiskalaren ustez, Hodei Egiluz ekintza kriminal baten biktima izan zen
Hodei Egiluz Galdakaoko gaztearen arrastorik ez duela adierazi du gaur Anberesko Poliziak. Fiskaltzaren bozeramaileak goizean Olatz Arrieta EiTBko kazetariari adierazitakoaren arabera, atxilotu guztiei Hodei Egiluzen objektu pertsonalak atzeman dizkiete, baina zin egin dute ez dakitela Hodei non dagoen.
Bestalde, Fiskaltzaren bozeramaileak esan du Poliziaren lehentasuna gorpua aurkitzea dela. Horrez gain, ziur da galdakoztarra ekintza kriminal baten biktima izan zela.
Ez du zenbat atxilotu dauden baieztatu, baina atxilotuei gaztearen objektuak atzeman zizkietela adierazi du. "Atxilotuek esan digute ez dutela Hodeiren desagerpenarekin zerikusirik, eta ez dakitela Hodei non dagoen".
Poliziak minutuz minutu berregin du desagerpenaren gauean gertatu zena. Anberesko kaleak arakatu dituzte, eta Eskalda ibaia miatu dute.
Bilaketa sakona egiten ari direla esan du Anberesko Fiskaltzaren bozeramaileak. Izan ere, hasieratik susmatu zuten Hodeiri ezbeharren bat gertatu zitzaiola.
Polizia federala eta Fiskaltza gaztearen familiarekin harremanetan daude azken orduko informazioen berri emateko. Bozeramaileak nabarmendu du kasu honek "lehentasuna" duela eurentzat.
Anberesko hedabideak gertutik ari dira kasua jarraitzen, baina ikerketaren inguruko datu gehiago ez argitaratzeko eskatu die Fiskaltzaren bozeramaileak. Gaur gauean beteko dira hiru aste Hodeiren arrastoa galdu zenetik.
Zure interesekoa izan daiteke
EAEko Auzitegi Nagusiak bi egonkortze prozesu eten ditu C2 euskara maila eskatzeagatik
Zehazki, udal idazkari eta kontu-hartzaile postuetarako IVAPek emandako bi ebazpen utzi ditu bertan behera Auzitegiak. Eusko Jaurlaritza epaia aztertzen ari da kasazio helegitea aurkezten duen erabakitzeko.
Gasteizen bikote homosexual bati eraso egin zion adingabea atxilotu dute berriro, hiru gazte sastakatzeagatik
EITBk baieztatu duenez, 17 urteko gaztea kanporatzeko eskaera egin behar zuen Arabako Aldundiak. Atzo, bertan, epailearen aurrera eraman zuten, eta Eusko Jaurlaritzaren gazteentzako justizia zentro batean sartzea agindu zuen honek.
Pertsona bat hil da Arrasaten, bi ibilgailuren arteko istripu batean
GI-627 errepidean gertatu da ezbeharra, Aretxabaletarako noranzkoan. Errepidea itxita egon da errepidea garbitu bitartean, baina lanak amaitutakoan ireki dute.
Euskararen aldeko lasterketa igande eguerdian helduko da helmugara, Bilbora
2.750 kilometro egin eta lekukoa eskuz esku 3.436 aldiz pasatu ostean, Bizkaiko hiriburua harrapatuko du Korrikak. Bertan jakingo dugu nork idatzi duen 10 egunez lekuko barruan gordeta eraman duten mezua, egileak berak irakurriko baitu. AEKk festa erraldoia prestatu du 24. Korrikari amaiera emateko.
Deabruek sutan jarri dute Korrika Debagoienean barrena
Lekittoko Deabruak kale antzerki taldeak hartu du lekukoa Oñatitik Bergarara bidean, eta hankaz gora jarri dute ibilbidea su eta txinpartekin.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Israelgo taldeen aurkako partidak bertan behera uzteko eskatu du Palestinarekin Elkartasuna plataformak Gasteizen
Ehunka lagun atera dira gaur Gasteizko kaleetara, Baskoniak Hapoel Tel Aviven aurka jokatu beharreko kanporaketa eta apirilaren 7an Maccabiren kontrakoa bertan behera uztea eskatzeko. Palestinarekin Elkartasuna plataformaren arabera, Israel “genozidioa zuritzeko” erabiltzen ari da saskibaloia, eta ez da nahikoa Buesa Arena hustea: Israelekin harreman guztiak etetea aldarrikatu dute, baita kirol arlokoak ere.
Santanderreko pasabidearen egoeraz jakinarazteko abisua jaso zuen 112ko kudeatzailea ikertuko dute
Erabaki horren helburua da langileari defentsarako eskubidea bermatzea, iturri judizialek azaldu dutenez.
Osasun Ministerioak erkidegoekin adostu du bitartekari bat izendatzea medikuen Greba Batzordearekin negoziatzeko
Sindikatuek eta Ministerioak zehaztu eta onartu beharko dute nor izango den bitartekari hori.
Medikuen grebak 300.000 pazienteri eragin die Euskadin, Eusko Jaurlaritzaren arabera
Protestaren ondorioz, gainera, Osakidetzako itxaron-zerrenda kirurgikoa 15 egun luzatu da, 67 egunera arte.