Loteriaren sari potoloak, 62.246ak, 180 milioi eraman ditu Arrasatera
Gabonetako Loteriaren sari potoloa 62.246 zenbakiari egokitu zaio, eta lau milioi euro banatuko ditu serieko, 400.000 euro dezimoko.
Sariaren zati bat Arrasaten (Gipuzkoa) saldu dute, Araba etorbideko 2. Administrazioan hain zuzen ere. Bertan, 45 serietako dezimo guztiak saldu omen dituzte, hau da, 180 milioi euro saritan.
Arrasaten ez ezezik, Leganesen (bertan, Zumarragako bikote batek txartel saridunak erosi zituen), Quintanar de la Ordenen, Sanlucar La Mayorren, Bailenen, Huelman, Bartzelonan, Avilesen, Palentzian eta Madrilen ere saldu dute zenbakia.
10:46an atera da gaurko sari potoloa, eta eguneko 13 sari garrantzitsuenen artean, laugarrena izan da.
"Poza"
Inaxio Azkarraurizar Arrasateko alkatea gustura agertu da Euskadi Irratian Gabonetako Loteriaren sari potoloaren zati bat egokitu zaielako. Izan ere, "poztasun handia da azken hilabeteotako albiste txarren ostean", Fagorren krisiari erreferentzia eginez.
Gaineratu duenez, "bizitzaren paradoxak dira, San Andresen egokitu baita saria", Fagorrek fabrika bat duen auzoan. Horren harira, saria "oso banatua izatea" espero du, "jende asko ari baita oso momentu zailak bizitzen".
"Poztasun handiagoz begiratu ahal izango diogu etorkizunari"
Jose Maria Garay Arrasatera sari potoloa eraman duen administrazioaren arduradunak esan du saria "oso zatituta" banatu dutela, "auzoko jendearen artean".
"Ezkortasuna nagusi zen une batean" saria iritsi dela azpimarratu du Garayk, eta horrela "poztasun handiagoz" begiratu ahal izango diotela etorkizunari.
Garayk azaldu duenez, 45 serie zituzten, 180 milioi euro saritan, baina "agian baten bat itzuli egin dugu, eta baieztatzeko daukagu hori". "Badakigu oso sakabanatuta saldu dela", gaineratu du.
Albiste gehiago gizartea
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.
Bidaiari bat atxilotu dute Loiun, kontrabandoagatik
Atxilotuak 2.550 tabako-pakete zeramatzan fakturatutako ekipajean.
Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei
Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.
Pablo Ibarren senideak "itxaropentsu, baina zuhur", agertu baita Floridako krimenak nork egin zituen dakien lekukoa
Pablo Ibarren senideak "itxaropentsu, baina zuhur" daude, Floridako krimenen benetako egileak ezagutzen dituen lekuko bat agertu berritan.