Talde feministek Abortuaren Legeari intsumisioa egiteko eskatu dute
Erakunde feministek istilurik gabeko hainbat ekintza egin dituzte gaur goizean EAEn, emakumeen abortatzeko eskubidea eta, horretarako, ospitale publikoetara jotzeko aukera defendatzeko eta PPren Gobernuaren haurdunaldia eteteko legearen aurka protesta egiteko.
Ehunka pertsonak, gehienbat emakumezkoak, bat egin dute Abortatzeko Eskubidearen aldeko Euskal Herriko Bilgune Feministak deitutako protestekin, Gurutzetako, Donostiako eta Arabako Santiago ospitaleetan.
Berrehun bat pertsona bildu dira Gurutzetako plazan, "abortua ez da delitua; eskubidea da" lelodun pankarta batekin. Osakidetzaren ospitale publikoen sareak abortatzeko aukera eskaini dezan eskatu dute, "emakumeek nahi dutenean". Gainera, euskal instituzioei "lege horri intsumisioa" egiteko eta Justizia sailak sortutako arauak urratu nahi dituen emakumeen eskubideak bermatzeko eskatu diete.
Donostian, hogeita hamar bat pertsonak kanpaldia egin dute gaur Donostia Ospitalearen inguruan, PPren Abortuaren Legearen aurkako protesta gisa.
Bozeramaile batek gaur azaldu duenez, atzo ospitalean bildu zirenen asmoa bertan gaua pasatzea zen. 20:00etan, ordea, Ertzaintzak ezin zutela erietxera sartu esan zien. Hori horrela, gerturatu ziren 50 emakumeetatik 30ek ospitalearen alboko zelai batean kanpatu zuten, eta bertan pasatu dute gaua.
Goizean eskaini duten prentsaurrekoan adierazi dutenez, arau berria "atzerapauso" bat da, eta Estatuak ezin duela emakumeen gorputza kontrolatu azpimarratu dute. Gainera, abortu "librea, doakoa eta segurua" defendatu dute.
Gasteizen, ehun pertsona inguruk bat egin dute Santiago ospitaletik abiatu den manifestazioarekin, bandera moreekin eta abortatzeko eskubidearen aldeko pankartekin
Ibilbidean zehar, Elizak Mariano Rajoyren Gobernuaren gizarte politikan duen esku-hartzea salatu dute manifestariek, "Elizak eta eskuinak kokoteraino gauzkate" bezalako leloekin.
Zure interesekoa izan daiteke
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.