Euskal hiriburuek Abortuaren Legearen kontrako protestak egin dituzte
Zenbait talde feministek protestak egin dituzte gaur, larunbata, Gasteizen, Bilbon eta Donostian, abortuaren legearen erreformaren aurreproiektuaren kontra.
Abortuaren Eskundearen aldeko Nafarroako Asanbladak elkarretaratze bat egin du Alerdi Popularrak Iruñean duen egoitzaren aurrean abortuaren erreformaren kontra daudela adierazteko, emakumeen eskubideen kontrako "eraso" bat delako.
Zer dela eta emakumeenganako oldarkortasuna?, erabakitzeko eskubidearen alde. Abortatzeko eskububidea. Askatasuna abortatzeko eta doako abortua izan dira elkarretaratzean ikusitako leloetako batzuk.
Protestan, partehartzaileek gurea da erabakia, gu erditzen gara eta gure gorputza gurea da, Gallardon, PP, hipokritak oihukatu dute.
Gasteizen, Ama Birgina Zuria plazan izan da elkarretaratzea, eta manifestariek erreforma horren kontrako pankartak eraman dituzte.
Bilbon, elkarretaratzea PPren egoitzaren aurrean izan da, Kale Nagusian, eta berton feministen ordezkariek emakumeen erabakitzeko eskubidean atzerako pausoa izan dela esan dute, erreformaren erruz.
Izan ere, Gobernuak abortuaren legearen erreformaren aurreproiektua onartu zuenetik kritika zaparrada jaso du, alderdien, elkarteen, sindikatuen eta Justizia eta osasun arloko hainbat erakundeen eskutik. 300 bat lagun bildu ziren ostiralean Justizia Ministerioaren aurrean, Ministroen Kontseiluak onartu duen abortuaren legearen erreformaren aurreproiektuaren kontra protesta egiteko.
Abortu aske eta doakoren aldeko mezuak eta Gallardonen dimisioa eskatuz oihuak entzun ziren protesta horretan. Poliziak hiru lagun atxilotu zituen, erresistentzia, agintariei desobeditzea eta agenteen kontrako atentatua egotzita.
Azkenik, onartuta
Espainiako Ministroen Kontseiluak Abortuaren Legearen aurreproiektua onartu zuen ostiralean. Erreformakabortatzeko eskubidea mugatuko du, eta 1985eko legea baino atzerakoiagoa izango da, Kongresuan aurrera egiten badu.
Alberto Ruiz Gallardon Justizia ministroak zehaztu zuenez, aurreproiektuaren arabera abortuak bi kasutan ez du zigorrik izango: "beharrezkoa"denean, "amaren gorputz-osasuna edo osasuna psikikoa arriskuan egoteagatik", edo haurdunaldia bortxaketa baten ondorioa izatea, gertakaria salatua izan bada eta abortua lehen hamabi asteetan eginez gero.
Ministroen Kontseilua amaitu ostean deitutako prentsaurrekoan esan zuen bi kasu horietan ere baldintza batzuk bete beharko direla: besteak beste, abortua "beharrezkoa" izatea, medikuntzaren aldetik beste irtenbiderik ez egoteagatik, eta, halaber, abortua ez egiteak kaltea iraunkorra ekartzea amaren osasunari.
Bortxaketaren kasuan, emakumeak salaketa aurkeztu beharko du, eta abortua 12. astea arte bakarrik egin ahal izango da.
Haurdunaldia emakumearentzako ''arrisku larria'' denean, 22. astea arte egin ahal izango da abortua, baina osasun zentro ezberdinetako bi medikuk baieztatu beharko dute arrisku hori. Haurdunaldia amarentzako arriskutsua baldin bada eta arrisku aurretik antzemandako fetuaren anomalia batek eragiten badu, ez da egongo abortatzeko epe-mugarik.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.