Abortuaren aurkako taldeen presioa salatu du Andraizek
Yolanda Perez, CAM Andraizeko hezitzaileak Ansoain Klinikara abortatzera doazen emakumeek jasaten duten “eskratxe egoera” salatu du Nafarroako Parlamentuan eta egoera “jasangaitza” dela adierazi du. Ansoain Klinika da Nafarroan abortuak egiten dituen zentro bakarra.
Nafarroako Parlamentuko Osasun Batzordean izan dira gaur Yolanda Perez hezitzailea, Begoña Zabala abortatzeko eskubidearen asanbladako kidea eta Pablo Sanchez Valverde, Andraizeko ginekologo eta koordinatzailea. PSNk, Bilduk, Aralar-NaBaik, Izquierda-Ezkerrak eta Patxi Leuzak, atxiki gabeko parlamentariak, eskatu dute agerraldia.
Zentrora joaten diren emakumeek jasan behar izaten duten egoera eman dute ezagutzera batzordean. Abortuaren aurkako taldeek bilkurak eta manifestazioak egiten dituzte. “Bizitzaren aldeko arrosarioak” ere egin izan dituzte, eta horietako batean Iruñeako artzapezpikuak parte hartu zuen.
Oposizioko alderdi guztiak artzapezpikuaren jarrera kritikatu dute eta abortua osasun publikoan egitearen alde agertu dira. PPk iragarri duen Abortuaren Legearen erreforma ere kritikatu dute.
Pablo Sanchez Valverdek adierazi duenez, “erreformak ez du abortu kopurua jaitsiko, seguruak ez diren abortuen kopurua handitu baizik”.
Yolanda Perez hezitzaileak, bestalde, abortuaren aurkako taldeek egiten duten “presioa” salatu du. “Ansoain Klinikara doazen emakumeak beldurrarazten dituzte eta mehatxu egiten diete”, esan du. Zentroan jasandako eraso “bandalikoak” eta bide publikoak eragindako kalteak ere salatu ditu. “Zenbait kasutan, gainera, erasoa ez da ahozkoa edo psikologikoa soilik izan, fisikoa ere izan da”, esan du.
“Abortuak sare publikoan egingo balira, hau guztia ez zen gertatutako”, azpimarratu du Perezek. PPren erreforma berriak dakarren “atzerapausoa” ere nabarmendu du. “Berriz ere, Europa Pirinioak igarota hasten da”, gaineratu du.
Abortuaren eskubidearen asanbladako Begoña Zabalak Parlamentuaren babesa eskatu du emakume horientzako, eta abortua ordena publikoko arazo batean ez bilakatzearen alde agertu da.
Zure interesekoa izan daiteke
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.