8 urteko kartzela zigorra Antsoainen emakume bat labanaz hiltzeagatik
2013ko urtarrilaren 30ean Antsoainen emakume bat labanaz hiltzeagatik akusatuta zegoen Santos Larrondok erahilketagatik zortzi urteko kartzela zigorra onartu du. Hori horrela, otsailaren 24rako aurreikusita zegoen zinpeko epaimahaidun epaiketa bertan behera gelditu da.
Fiskala eta akusatuaren defentsa akordio batera iritsi dira gaur. Larrondok emakumea labanaz hil zuela onartu du, biktimarekin Noain anaiak kalean partekatzen zuen etxebizitzan.
Nafarroako Justizia Auzitegi Nagusiak jakinarazi duenez, epaian zehazten da, inguruabar astungarri gisa, nagusitasun-abusua erabili zuela akusatuak, eta inguruabar aringarri bezala, alkoholaren eragina.
Guardia Zibilak atxilotu zuenean, Larrondok emakumea sukaldeko labana batekin hil zuela aitortu zuen, eta, haren hitzetan, hilketa "eguneroko bizitzarekin lotutako liskar" baten ondorioa izan zen.
Erasoa 04:30 inguruan jazo zen. Akusatua etxera heldu zenean, prestatu zuen janaria jan zutela ohartu zen, eta emakumearekin sesioan hasi ostean, labankadak eman zizkion, pankrea, duodenoa eta urdaila larriki zaurituz.
Biktima ohean etzan zen, eta ordu gutxiren buruan hil zen, zauriek eragindako shock hemorragiko baten ondorioz. Gainera, ez zuen medikuen laguntzarik jaso, erasotzaileak ez baitzion osasun zerbitzuei deitu.
Emakumezkoak alkohol ugari, kokaina eta benzodiazepinak irentsi zituen erasoa jazo baino lehen; hori dela eta, epaian adierazten denez, "arreta, arrazoimena eta kontrola urrituta zituen, eta horrek zailtasunak eragin zizkion erasoaren aurrean defendatu eta, geroago laguntza eskatzeko".
Biktimaren gorpua ohe gainean aurkitu zuen Antsoaingo Udaltzaingoak urtarrilaren 31n, telefono dei bat jaso eta gero.
Agenteek adierazi zutenez, krimenaren eszena aldatuta zegoen. Izan ere, biktimaren odola aurkitu zuten sukaldeko trapu batzuetan, eta etxeko labana guztiak duela gutxi garbituta zeuden.
Iruñako 5 zenbakidun Instrukzio Epaitegiko epaileak behin-behineko espetxe zigorra ezarri zion Larrondori, "onartutako ekintzen inguruko alegazioetan kontraesanak" zeudela ohartu baitzen.
Zure interesekoa izan daiteke
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.