EAEko otordu lasterreko bi menutik batek gabezia nutrizionalak ditu
EAEko otordu laster "osasungarri" gehienek kalitate "onargarria" dute, nahiz eta erdiek gabeziak izan "nutrizio aldetik", Eroski Consumer aldizkariak egindako ikerketaren arabera.
Txostenaren arabera, jatetxeen herenak proteina gehiegi dituzten jakiak erabiltzen ditu, eta hirutik bitan ez dago postre gisa fruta edo esnekirik hartzeko aukerarik. Horrez gain, % 7k bakarrik ematen dute ogi integrala jateko aukera.
Frankizia handiak ikerketatik kanpo geratu dira, "emaitzetan eragin txikia izango luketelako", Eroski Consumer aldizkariaren arabera. Ondorioz, tokiko jatetxeak eta tradizionalak aztertu dituzte, menuetan hanburgesak, bokadiloak, sandwichak, pizzak eta plater konbinatuak dituztenak, hain zuzen.
EAEko hiriburu bakoitzean, otordu lasterreko 10 menu osasungarri eskatu zituzten ikertzaileek: plater nagusia, osagarria edo lehen platera, edatekoa eta postrea.
Bilbon, Donostian eta Gasteizen aztertutako 30 menuek batez besteko balorazio ezberdinak jaso zituzten: Bilbokoek eta Gasteizkoek "ondo" baloratu dituzte, ikerketako onenak. Donostiakoak, berriz, "onargarriak" zirela ondorioztatu dute.
Proteina eta kaloria gehiegi
Proteina gehiegi izatea, kaloria gehiegi dituzten saltsak erabiltzea eta postre moduan fruta fresko edo esnekirik ez eskaintzea dira gabeziarik esanguratsuenak.
Menuen prezioei dagokienez, Estatuko batez bestekoa 12,7 eurokoa da, baina EAEko hiru hiriburuetan otorduak garestiagoak dira: 15,2 eurokoak dira Gasteizen; 14,5ekoak, Bilbon, eta 13,9koak, Donostian.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.