4 hilabete, Hodei Egiluz galdakoztarra desagertu zela
Lau hilabete bete dira gaur Hodei Egiluz gazte galdakoztarra Anberesen desagertu zenetik, eta oraindik ere ez dago haren berririk.
Hodei Egiluzen familiak adierazpen bat irakurriko du 19:30ean Galdakaon, ikerketari eutsi diezaioten eskatzeko. Eusko Legebiltzarreko, Bizkaiko Batzar Nagusietako eta Galdakaoko Udaleko hainbat ordezkarik babestu dute familiaren adierazpena.
Ondoren, 20:00etan, kontzentrazioa egingo dute Galdakaon.
4 hilabete igaro dira
Gazte bizkaitarra urriaren 19an desagertu zen, Anberesen. Gau hartan, lagun batzuekin afaldu zuen, eta, 02:00etan, etxera abiatu zen. Harrezkero ez dute haren berririk.
Hodei Egiluzek 23 urte ditu eta Informatika-ingeniaria da. Apirilean joan zen Anberesera Createlli lantegian praktikak egitera, ekainean lana eskaini zioten eta bertan bizi zen.
Poliziak ez du oraindik Egiluz aurkitu, nahiz eta azken aldiz ikusi zuten inguruan bilaketa-lanak egin dituzten.
Babes Zibileko urpekariak hainbat alditan aritu dira Eskalda ibaian bilaketa lanak egiten, ibai horren inguruan galdu baitzuten Hodeiren arrastoa. Lan horiek, baina, oraingoz ez dute arrakastarik izan.
Agintarien ustez, zantzu nahikoa dago Hodei "ekintza kriminal baten biktima" izan zela eta "berak nahita" desagertu ez zela ondorioztatzeko, Fiskaltzak hainbatetan adierazi duenez.
Izapideak egiten ari zen epaileak auzia Anberesko Fiskaltzaren eskuetan utzi du, ikerketa ez atzera ez aurrera dagoela argudiatuta. Belgikako Poliziak hainbat lagun atxilotu zituen auziarekin zerikusia zutelakoan. Gaur egun, hiru pertsona kartzelan daude, eta beste bat aske dago, baina Hodei Egiluzi objektu pertsonalen bat (sakelako telefonoa eta diru-zorroa, tartean) lapurtzea egozten diete guztiei.
Orain Anberesko Fiskaltzaren teilatuan dago auzia, horrek erabaki beharko baitu hemendik aurrera zein neurri hartuko dituzten.
Zure interesekoa izan daiteke
EAEko Auzitegi Nagusiak bi egonkortze prozesu eten ditu C2 euskara maila eskatzeagatik
Zehazki, udal idazkari eta kontu-hartzaile postuetarako IVAPek emandako bi ebazpen utzi ditu bertan behera Auzitegiak. Eusko Jaurlaritza epaia aztertzen ari da kasazio helegitea aurkezten duen erabakitzeko.
Gasteizen bikote homosexual bati eraso egin zion adingabea atxilotu dute berriro, hiru gazte sastakatzeagatik
EITBk baieztatu duenez, 17 urteko gaztea kanporatzeko eskaera egin behar zuen Arabako Aldundiak. Atzo, bertan, epailearen aurrera eraman zuten, eta Eusko Jaurlaritzaren gazteentzako justizia zentro batean sartzea agindu zuen honek.
Pertsona bat hil da Arrasaten, bi ibilgailuren arteko istripu batean
GI-627 errepidean gertatu da ezbeharra, Aretxabaletarako noranzkoan. Errepidea itxita egon da errepidea garbitu bitartean, baina lanak amaitutakoan ireki dute.
Euskararen aldeko lasterketa igande eguerdian helduko da helmugara, Bilbora
2.750 kilometro egin eta lekukoa eskuz esku 3.436 aldiz pasatu ostean, Bizkaiko hiriburua harrapatuko du Korrikak. Bertan jakingo dugu nork idatzi duen 10 egunez lekuko barruan gordeta eraman duten mezua, egileak berak irakurriko baitu. AEKk festa erraldoia prestatu du 24. Korrikari amaiera emateko.
Deabruek sutan jarri dute Korrika Debagoienean barrena
Lekittoko Deabruak kale antzerki taldeak hartu du lekukoa Oñatitik Bergarara bidean, eta hankaz gora jarri dute ibilbidea su eta txinpartekin.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Israelgo taldeen aurkako partidak bertan behera uzteko eskatu du Palestinarekin Elkartasuna plataformak Gasteizen
Ehunka lagun atera dira gaur Gasteizko kaleetara, Baskoniak Hapoel Tel Aviven aurka jokatu beharreko kanporaketa eta apirilaren 7an Maccabiren kontrakoa bertan behera uztea eskatzeko. Palestinarekin Elkartasuna plataformaren arabera, Israel “genozidioa zuritzeko” erabiltzen ari da saskibaloia, eta ez da nahikoa Buesa Arena hustea: Israelekin harreman guztiak etetea aldarrikatu dute, baita kirol arlokoak ere.
Santanderreko pasabidearen egoeraz jakinarazteko abisua jaso zuen 112ko kudeatzailea ikertuko dute
Erabaki horren helburua da langileari defentsarako eskubidea bermatzea, iturri judizialek azaldu dutenez.
Osasun Ministerioak erkidegoekin adostu du bitartekari bat izendatzea medikuen Greba Batzordearekin negoziatzeko
Sindikatuek eta Ministerioak zehaztu eta onartu beharko dute nor izango den bitartekari hori.
Medikuen grebak 300.000 pazienteri eragin die Euskadin, Eusko Jaurlaritzaren arabera
Protestaren ondorioz, gainera, Osakidetzako itxaron-zerrenda kirurgikoa 15 egun luzatu da, 67 egunera arte.