Greenpeacek 'protesten kontrako legea' salatzeko ekimena egin du
Greenpeaceko zenbait kide Moncloako Farora igo dira Ministroen Kontseiluak Herritarren Segurtasunerako Legea onartzeko bilera hasi duenean. Ekimen horren bidez, "protesten aurkako legea" salatu nahi izan dute.
Sara del Rio Greenpeaceko bozeramaileak azaldu duenez, Poliziak Greenpeaceko ekintzaile bat atxiki du. Beste lauk dorrea eskalatzeari ekin diote.
Igoeran, ekintzaileek legearen kontrako pankartak erakutsi dituzte; izan ere, horien iritziz, legeak "protesta baketsuak zigortzea" du helburu nagusi, eta "adostasun soziala eta argudio koherenteak" falta ditu.
Greenpeacek Moncloako Faroa Moncloako Jauregiaren aurrean dagoelako aukeratu du, eta Moncloan egiten ari dira, hain zuzen, Ministro Kontseiluaren bilera. "Herritarren Segurtasunerako Legearen kontrako mezu argia helarazi nahi diogu Gobernuari", esan dute prentsa ohar baten bidez.
Ekintzaileen arabera, legeak "ez die gizartearen beharrizanei erantzuten, Gobernuak protestak kontrolpean izateko duen beharrari baizik". Legeak "adierazpen askatasunak eta biltzeko eskubideak babesten dituzten protestak" zigortuko dituela gaineratu dute.
Albiste gehiago gizartea
700 pisu turistiko kentzeko exijitu du Eusko Jaurlaritzak Airbnb plataformari
Uztailaren 1etik aurrera, etxebizitza turistikoen erregistro bakarra sartuko da indarrean. Javier Hurtadok ohartarazi duenez, nahitaezko erregistro-zenbakiak sartu ezean, jarduera etetera behartuz zigortu ahal izango dituzte.
Pertsona bat hil da Zuian izandako trafiko istripuan
Auto bat errepidetik atera eta irauli egin da N-622an. Gidaria ibilgailuaren barruan harrapatuta geratu da, eta bertan hil da.
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Harrera zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.