Andra Mari Zuria, festa lasaiak eta parte hartzaileak
Joan den astean ospatutako Vitoria-Gasteizko Andra Mari Zuriaren jaiak iazkoak baino lasaiagoak eta parte hartzaileagoak izan direla jakinarazi du tokiko Udalak.
Iñaki Garcia Calvo Kultura Plangintza eta Festa zinegotziak azaldu duenez, Vitoria-Gasteizek "ohorezko matrikulako jaiak bizi izan ditu, izan duen parte hartze handiagatik eta lasaitasunagatik".
Amaitu berri diren ospakizunak "oso lasaiak" izan dira, eta ez da istilu larririk egon, jakinarazi du Garcia Calvok.
Alderik krudelena Gorka Ortiz de Urbinak, Zeledonek, hartu zuen, Miguel Deunako balkoira joateko ibilbidean jazotako istiluetan. Udalak konponbideren bat bilatuko du irailean biolentzia hori berriro ere errepika ez dadin.
Zinegotziak nabarmendu du aurten ez dutela eraso sexualekin lotutako inolako salaketaren berririk izan. Horrekin batera, azaldu du festak iraun duten sei egunetan zehar erregistratutako istiluak %8,7 igo direla, hau da, 711tik 772ra. Udaltzaingoaren esku-hartzea iazko 774etatik 1.011etara pasa da, etxebizitzetako lapurretak 18tik 5era murriztu dira eta indarkeriazko lapurretak 24tik 16ra gutxitu dira.
Ertzaintzak eta Udaltzaingoak emandako datuen arabera, guztira, delitu eta falta penalen 485 argiketa kontabilizatu dira, 2013an baino 10 gutxiago.
Laguntza medikoak areagotu egin dira aurten: iazko 457etatik 525era igaro dira.
Jaietan zehar, 84 pertsonek intoxikazio metilikoak jasan dituzte, 2013an baino %23 gehiago, eta horietatik 13 adingabeak izan dira. Gainera, guztira 21 pertsona artatu behar izan dituzte drogak kontsumitzeagatik.
Parte hartzearen handitzea
Bestalde, Garcia Calvok festen ekitaldi nagusietako parte hartzearen handitzea nabarmendu du, hala nola, Zeledonen jaitsiera eta igoera (80.000 pertsona), Foru Plazako kontzertuak, su artifizialak eta Espainia Plazako orkestrak.
Ikusle gehien hartu dituen esparrua Foru Plaza izan da, 49.500 pertsonekin, iaz baino 5.000 gehiago. Bertan La Pegatina, Soraya, Rosendo, Auryn eta Betagarri taldeak aritu dira. Antzoki Nagusiak, berriz, %91koa izan du betetzearen bataz bestekoa.
Gainera, Hector Alteriok eta Lola Herrerak antzokia bete zuten "El estanque dorado" antzezlanaren bi saioetan.
Albiste gehiago gizartea
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.