Ospitaleratuta dagoen bigarren erizainak ez du ebolarik
La Paz-Carlos III ospitalean dagoen beste erizainari egindako ebola probak negatibo eman du, Osasun Kontseilaritzako iturriek jakitera eman dutenez. Bigarren erizain honek ere Manuel Garcia Viejo hildako misiolaria artatu zuen.
Erizaina ez zen kasu susmagarria, azterketan zegoen kasua baizik. Bigarren erizain honek ez zuen sukarrik eta elizgizona artatu zuen taldeko kide izateagatik ospitaleratu zuten.
Ez zuen kutsatutako erizainarekin harreman zuzenik izan, baina bai bere lankideekin. Carlos III ospitalean isolatuta dituzten lagunetako bat da erizaina.
Pazienteari beste probarik egingo ez diotela azaldu dute iturriek; izan ere, ebola baztertu dute. Bestalde, oraindik alta eman ez diotela erantsi dute, baina baliteke egitea talde medikoak horrela erabakitzen duenean.
Beste erizain bat, ospitalean
Bestalde, hildako elizgizonak artatu zituen beste erizain bat ospitaleratu dute gauean, Carlos III ospitalean. "Sukar txikia" du eta azterketak egingo dizkiote.
Ospitaleko iturriek azaldu dutenez, jadanik bost dira ospitalean, zaintzapean, dituzten pertsonak.
Birusarekin kutsatuta dagoen erizainaren senarrak eta teknikari batek ospitalean jarraitzen dute, eta baita Nigerian lanean izan den ingeniari espainiarrak ere, CSI-F sindikatuak gaur jakitera eman duenez.
Ingeniariari ebolaren lehen proba egin diote, baina asteazken honetan bigarrena egin behar diote. Aurreneko proban negatibo eman du.
"Esandako guztia egin zuen berak"
"Esandako guztia egin zuen berak, sekula ez zidan ezer esan, normal itzuli zen etxera eta ez du inolako kezkarik izan", ziurtatu du kutsatutako erizainaren senarrak El Mundo egunkariaren atarian.
"Berak normaltasunez lan egin du, protokolo guztiak bete ditu", azaldu du senarrak. "Larritasunaren barnean, ondo dago", esan du. "Gauzak hobera egiten ari dira", emazteari "sendatu zen pertsona baten (Paciencia Melgar misiolaria) plaketak jartzen ari zaizkiolako", gaineratu du.
Madrilgo Erkidegoko Osasun Kontseilaritza Teresa R. ebolaz kutsatutako erizainaren eta Javier L. haren senarraren etxera joango da bizilekua desinfektatzeko, Javier Rodriguezek zuzentzen duen Departamentuko iturriek jakinarazi dutenez.
Bikotea Alcorconeko urbanizazio batean bizi da. Osasun zerbitzuetako profesionalek etxea garbitu eta desinfektatuko dute.
Bestalde, Madrilgo Erkidegoak familiaren zakurra hiltzeko baimena eskatu diola salatu du senarrak sare sozialen bidez. Eskakizunari uko egin ezkero, etxean sartu eta zakurra akabatzeko agindu judiziala eskatuko du Exekutiboak.
Hala ere, Madrilgo Gobernuak animalia hiltzeko agindua eman du dagoeneko; izan ere, "gizakiari eritasuna kutsatzeko arrisku posible bat da", pazientearekin "bizi" zelako.
Kazetariak Carlos III ospitalearen sarreran. Argazkia: EFE
52 pertsona, zaintzapean
Osasun Ministerioak 50 bat pertsona zaintzapean mantentzen ditu. 44 urteko erizain kutsatua 22 pertsonarekin harremanetan egon zen, osasun zerbitzuetako profesionalak eta senitartekoak gehienbat. Guztiak zaintzapean ditu Koordinazio Batzordeak (Osasun Ministerioa eta Madrilgo Erkidegoa).
Era berean, Carlos III ospitalean bi elizgizonak artatu zituzten beste 30 pertsona zaintzapean dituzte.
Oposizioak eta sindikatuek azalpenak eskatu dituzte
Oposizioko alderdi politikoek eta hainbat sindikatuk Osasun Ministerioari azalpen gehiago eskatu dizkiote. Matok Kongresuan agerraldia egitea eskatu dute batzuek.
Profesionalek eritasunaren tratamenduan ematen diren "gabeziak salatzeko betebehar deontologikoa" dutela adierazi du Medikuen Erakunde Elkargoak, "pazienteen arretari eta segurtasunari eragin diezazkielako".
Osasun arduradunen kudeaketaren aurka protestak egin dituzte gaur hainbat ospitaleetako ateetan, Madrilen, Valentzian, Donostian, Bilbon eta Logroñon, besteak beste.
Europak ere azalpenak eskatu ditu
Afrikatik kanpo ebolaren lehen kutsadura inguratu duten gertakariak azaltzeko eskatu dio Europako Batzordeak Espainiari. Gaia jorratzeko adituen bilera berezi bat deitu du Batzordeak asteazken honetarako.
Osasun Ministerioko iturriek ziurtatu dutenez, gertakariaren berri izan bezain laster Espainiako agintariek "informazio guztia" Munduko Osasun Erakundearen (OMS) eta Gaixotasunen Kontrol eta Prebentziorako Europako Zentroaren (ECDC) esku jarri dute.
AEBek kontrolak areagotuko dituzte
Amerikako Estatu Batuek aireportuetako kontrolak areagotuko dituzte. Ebolari aurre egiteko protokolo berriak martxan jarriko dituzte. Besteak beste, baliteke bidaiarien tenperatura aztertzea, hegaldia herrialde arriskutsuetatik datorrenean.
Neurri berriak "datozen egunetan" jakitera emango dituztela azaldu dute Josh Earnest Etxe Zuriko bozeramaileak eta Thomas Frieden Eritasunen Kontrol eta Prebentziorako Zentroetako (CDC) zuzendariak.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.