Espainiako erizain bat, Europan ebolaz kutsatu den lehen pertsona
Manuel Garcia Viejo misiolaria Madrilgo Carlos III ospitalean artatu zuen erizain batek ebola du. Garcia Viejo irailaren 25ean hil zen ebolak jota. Emakumeak positibo eman du lehen azterketan, eta baita bigarrenean ere.
Osasun zerbitzuetako iturriek baieztatu dutenez, krisi kabinetea deitu dute Espainiako aurreneko kutsatzea aztertzeko. Emakumea Alcorconeko (Madril) ospitalean dagoela jakitera eman dute.
Alcorconeko ospitaleko iturriek jakinarazi dutenez, pazientea gaur goizean ospitaleratu dute birusaren sintoma posibleekin.
Segurtasun protokoloa berehala martxan jarri dutela erantsi dute iturriek.
Carlos III ospitaleak dagoeneko bi ebola kasu artatu ditu. Miguel Pajares eta Manuel Garcia Viejo misiolariak Afrikatik ekarri zituzten birusarekin kutsatuta. Bi elizgizonak zoritxarrez hil egin ziren.
Garcia Viejo hil eta egun bat geroago oporrak hartu zituen emakumeak. Bost egun geroago lehen sintomak azaldu ziren: sukarra eta ahulezia.
"Lasaitasuna"
Ana Mato Osasun ministroak aurreneko kutsatzea baieztatu du. "Kutsaduraren iturria" bilatzen ari direla azaldu du Matok, eta kasu gehiago saihesteko segurtasun "neurri guztiak" hartzen ari direla ziurtatu du.
Osasun Ministerioan emandako prentsaurrekoan, herritarrei "lasaitasun mezu" bat eman nahi izan die ministroak. Espainiak egoerari aurre egiteko profesionalak eta mekanismoak dituela ziurtatu du.
Ana Mato Osasun ministroa. Argazkia: EFE
Osasun arduradunen "erabateko koordinazioa" goraipatu du Matok. Protokolo guztiak jarraitzen ari direla bermatu du agintariak. Baliabide guztiak medikuen esku jarriko dituztela erantsi du.
Espainiak Munduko Osasun Erakundearen gomendioak jarraitzen dituela azaldu du ministroak. Profesionalen eta biztanleriaren segurtasuna bermatzeko lanean ari direla gaineratu du.
Zaintza
Horrela, erizainaren senarrari eta igandean pazientea artatu zuten Summako hiru profesionalei birusaren aurkako prebentzio protokoloa aplikatzen ari zaie. Era berean, Carlos III ospitaleko 30 langileri aplikatzen ari zaie; izan ere, guztiek hildako elizgizonak artatu zituzten.
Madrilgo Lehen Arretaren zuzendari nagusiak zehaztu duenez, igandean emakumea artatu zuten larrialdi zerbitzuko medikuari eta bi teknikariei egunero bi aldiz tenperatura hartuko diete datozen 21 egunetan.
Beste kasu posible bat
La Paz ospitaleko erizain bat aztertzen ari dira susmagarria delako, osasun iturriek jakitera eman dutenez.
061 zenbakiari abisua eman dio pazienteak arratsaldean. Sukar handia du eta La Paz ospitalera eraman dute. Ebolaren proba egin diote eta emaitzen zain daude.
Xehetasun gehiagorik ez dute eman eta hildako elizgizonekin kontaktuan egon ote zen ez dute zehaztu.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.