Manuel Garcia Viejo erlijiosoa hil da, ebolak jota
Manuel Garcia Viejo erlijiosoa hil da ostegun honetan, ebolak jota, EFE agentziak jakitera eman duenez. Garcia Viejo Madrilgo Carlos III ospitalean zegoen, astelehenetik.
69 urteko Manuel Garcia Viejo ebolak hil duen bigarren espainiarra da; izan ere, abuztuaren 12an Miguel Pajares erlijiosoa hil zen birusak jota. Pajares Liberian kutsatu zen.
Garcia Viejo San Juan de Dios ordenaren ospitaleko zuzendaria zen Lunsarren (Sierra Leona). Ebola antzemateko proba batean positibo eman zuen iragan astean.
Alternatibak
Espainiaratu zutenetik, Zmapp sueroaren ordezko tratamendu bat bilatu dute Carlos III ospitaleko medikuek; izan ere, sendagaia agortuta zegoen. Miguel Pajares suero horrekin sendatzen saiatu ziren.
Garcia Viejo "larri" heldu zen Madrilera. Deshitratazioa eta giltzurrunetan zein gibelean arazoak zituen.
"Erlojuaren kontra"
Ia lau egun eman ditu ospitalean. Pazientea sendatzeko alternatiben bila "minuturo eta erlojuaren aurka" lan egin dute medikuek, baina beti "kontu handiarekin"; izan ere, "tratamendu guztiak esperimentalak dira", Fernando de la Calle doktoreak azaldu duenez. De la Calle Carlos III ospitaleko medikua da eta bi erlijiosoak artatu ditu.
Pazienteak ez du parte medikoen berririk eman izan nahi, eta orain arte Juan Ciudad gobernuz kanpoko erakundeak egoeraren datuak jakitera eman ditu.
Elizgizonaren egoera interes handia piztu du Espainian, baina batez ere Folgoso de la Riberan (Leon), bere jaioterrian.
Miguel Pajaresekin jarraitutako protokolo bera aplikatu diote Garcia Viejori, baina aurreneko kasuan muturreko neurriak martxan jarri zituzten, Carlos III ospitalea hustu zuten adibidez.
Pajares kasuaren eskarmentuarekin, astelehenean ebakuazioa baztertu zuten agintariek, baina seigarren solairuko sarrera mugatu zuten.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.