Teresa Romerorekin kontaktua izan zuen pertsona bat ospitaleratu dute
Teresa Romero ebolaz kutsatutako erizain laguntzailearekin kontaktua izan zuen pertsona bat Carlos III.a ospitalera eraman dute, sukarra zuelako.
Arrisku maila txikiko 68 pertsona horietako bat da. Etxean "bakartuta" zegoen, eta gaur goizean sukarra izan duenez ospitalera eramatea erabaki dute, Fernando Simon Espainiako Osasun Ministerioko Larrialdi zentroko zuzendariak ebola gaixotasunaren jarraipen batzordearen bileraren ondoren egindako prentsaurrekoan adierazi duenez.
Ebolari aurre egiteko protokoloa martxan jarri dute eta gaixoari etxean egotea aholkatu diote Carlos III.a ospitalera eramango zion anbulantzia iritsi arte. Ospitalean PCR analisiak egingo dizkiote birusa duen ala ez jakiteko, eta emaitzak arratsaldean edo gauean jakinaraziko dituzte. Ez dugu ezer esango emaitzak izan arte", gaineratu du.
"Arrisku maila txikiko kontaktuetako bat da, are gehiago, horien artean infektatzeko probabilitate txikiena zuena", azpimarratu du Simonek. Dena den, "protokoloa betetzeko dago eta ezin dugu informazio ziurrik eman analisien emaitzak eskuetan izan arte".
Carlos III.a ospitalera eraman dute pertsona hori ez da osasun langilea, eta sukarra badu ere haren osasun egoera ona da.
Bestalde, Carlos III.a ospitalean berrogeialdian dauden 15 lagunek sintomarik izan gabe jarraitzen dute.
Teresa Romerok hobera egin du
Teresa Romero erizain-laguntzailea "egonkor dago", birus-mailak onera egin du eta kaltetutako organoek "hobera egin dute". Hortaz, infekzioa kontrolatzeko gai izaten ari da Romero, gaur Fernando Simon Osasun Ministerioko Larrialdi zentroko zuzendariak iragarri duenez.
Itxaropenerako arrazoiak badaude ere, zuhurtziaz jokatzeko eskatu du "izan ere, gisa horretako gaixotasunetan azken unera arte zuhurtziaz jokatu behar da".
Albiste gehiago gizartea
Polemika, Nafarroako Unibertsitatearen campusa zeharkatzen duen errepidean izandako aldaketengatik
Azpilagañatik Arostegi etorbiderantz, norabide bakarrean eta 30 km/h-ko abiaduran bideratuko da trafikoa. Zizur Nagusiko alkateak elkarrizketarik eza kritikatu du, eta noranzko bakar horrek ehunka pertsonari eragingo dizkien mugikortasun-zailtasunez ohartarazi du.
116.123 ikaslerekin hasi da ikasturtea Nafarroan; % 67,8, sare publikoan
Ikasturte honetan eskolara hasiko diren 3 urteko haurren % 30 B eta D ereduetan hasiko dira.
Gernika-Palestinak oso positibotzat jo ditu Vueltako mobilizazioak eta ostiraleko protestetan parte hartzeko deia egin du
Bihar, irailak 5, 130 udaletxeren baino gehiagoren aurrean egingo dituzte protestak, aipatu ekimenak deituta. Hamaikagarren etapa "Palestinak" irabazi zuela defendatu dute Gernika-Palestina plataformaren ordezkariek.
Oscar Guerrero, Israel-Premier Techen zuzendaria: "Ez dugu borondatez Vuelta utziko"
Israelgo taldearen zuzendariak esan du bazekiela Euskal Herrian ibiltzea "gogorra" izango zela, eta gaineratu du kirol zuzendari gisa bere ibilbideko egunik txarrenak ari direla izaten.
Laredotik atera da Vueltako 12. etapa, Israelen aurkako protesta artean
300 pertsona inguru bildu dira bertan Israel-Premier Tech taldea txirrindulari probatik kanporatu dezaten aldarrikatzeko. Palestinako bandera ugari eta hildakoen argazkiak izan dira ikusgai, eta hainbat aldarri bota dituzte, "Israel, genozida" eta "Stop genozidioa", besteak beste.
11 hildako izan dira EAEko errepideetan uda honetan, 2024an baino hiru gehiago
Trafikoko udako operazioetan, hamaika pertsona hil dira Euskadin ekaina eta abuztua bitartean, iazko udan baino hiru gehiago. Halere, istripu eta zauritu larri eta arinen kopuruak behera egin du.
Radio Vitoriak argi eta soinuzko ikuskizun handia prestatu du 90. urteurrena ospatzeko, eta zuzenean jarraitu ahal izango da GUAUn
'Batzen gaituen ahotsa' izeneko ikuskizunak azken 90 urteetako gertaera garrantzitsuenen errepaso bisuala egingo du, irratiaren soinuaren bidez, dantza eta musika emanaldiak bilduko dituen taularatzea eginda. Gonbidatu izango dituzte, besteak beste, Ramiro Gonzalez Arabako ahaldun nagusia, Maider Etxebarria Gasteizko alkatea eta Andoni Aldekoa EITBren zuzendari nagusia. Ekitaldia zuzenean jarraitu ahal izango da irrati bidez eta GUAU plataforman, 21:00etatik aurrera.
Pedrosa: "Segregazioaren aurkako lantaldea datorren astean bilduko da, Hezkuntzaren etorkizunari buruz hausnartzeko"
"Maiatzerako prozesua amaitu eta oinarriak ezarri nahi ditugu. Hezkuntzan etorkizunari begiratu behar zaio beti, eta adostutako erabakiak hartu egin behar dira, erronka demografiko eta aldaketa sozial oso handiak baititugu Euskadin", esan du Hezkuntza sailburuak.
13 urteko mutiko bat larri zauritu da Villatuertan, quad-istripuz
Ezbeharra landa-bide batean gertatu da, goizaldean, Regacho de Arantzadia paraje inguruan.
Palestinarekin Elkartasuna plataformak elkarretaratzea deitu du arratsalderako Bilbon, Vueltako protestetan atxilotutakoei babesa adierazteko
Israelgo txirrindulari-taldearen aurkako protestek Vueltako helmuga hiru kilometro aurreratzera behartu zuten atzo Bilbon Kale Nagusian. Palestinarekin Elkartasuna plataformaren hitzetan, "Palestinak garaitu du", eta "IPT talde sionista kanporatzeko lehen urratsa" izan daiteke. Era berean, Bingen Zupiria Segurtasun sailburuak "Palestinaren aldeko ekintzak kriminalizatu izana" deitoratu du.