Herritarren Segurtasun Legeak aurrera egin du, oposizioaren gainetik
Espainiako Gobernuaren Herritarren Segurtasun Lege berriaren izapideak abiatu dira gaur Diputatuen Kongresuan, eta proposamenak lehenengo koska gainditu du, PPren babesarekin, eta oposizio osoaren kontrako jarrerarekin. Izan ere, oposizioak dio "errepresioa" ahalbidetuko duela lege horrek, baina Jorge Fernandez Diaz Barne ministro espainiarraren arabera, testuak "berme guztiak" betetzen ditu.
Hori horrela, oposizioko taldeek bederatzi osoko zuzenketa aurkeztu dituzte, baina PPk gehiengo absolutua baliatu du denak atzera botatzeko.
Barne ministroaren arabera, 1992ko legea ordezkatuko duenak "errespetatu egiten du segurtasunaren eta askatasunaren arteko oreka", "berme guztiak" betetzen ditu, eta "tokia du ordenamendu juridikoan".
Horren aurrean, oposizioak gogor kritikatu du testua. Isabel Rodriguez diputatu sozialistak esan du "herritarren kontrako errepresiorako legea" izango dela, 1959ko lege frankistaren antzekoa. Gainera, legea "lotsagarria" eta "kaltegarria" dela, eta helburu bakarra herritarren protestak "jazartzea" dela azpimarratu du.
Banaka, oposizioko bozeramileek legea atzera botatzeko argudioak eman dituzte. Horren aurretik, ordea, Kongresuaren kanpoaldean Greenpeacek eta beste erakunde sozial batzuek protesta egin dute, Espainiako Poliziak kontzentrazioa desegin duen arte.
Xabier Mikel Errekondo Amaiurren bozeramailea izan da saioan protagonismo berezia izan duena; izan ere, legearen kontra agertu da, eta horretarako protestetan erabiltzen ari diren zildaia jarri du. Hori bakarrik ez, gero Eskorbutoren abesti bati erreferentzia eginez, "mucha policia, poca diversion" kantatu du, denen harridurarako.
Eztabaida gogor honetan, Feliu Guillaume CiUren ordezkaria izan da proiektuak alderdi positiboren bat zuela adierazi duen bakarra.
Albiste gehiago gizartea
Olatz Salvadorrek eta Marenek kontzertuak eskainiko dituzte Abandoibarrako oholtza gainean, Aste Nagusian
Hala, Abandoibarran, hilaren 16an, larunbata, 23:30etik aurrera, Kai Nakai, Olatz Salvador eta Maren Domingo arituko dira, eta igandean, hilaren 17an, ordu beretik aurrera, Janus Lester eta Dupla.
Zeledonek Palestinako genozidioaren eta indarkeria matxistaren aurkako aldarria egin du, eta "falta direnak" gogora ekarri ditu
Milaka pertsona izan dira Gasteizko Andre Maria Zuriaren plazan 'Zeledonen Jaitsiera' ekitaldian. Iñaki Kerejazuk palestinarren aurkako genozidioa bukatzea eskatu du, eta eraso matxistak gaitzetsi ditu. Arabako hiriburuko jaien aniztasuna aldarrikatu du, "jatorria edozein dela ere".
Festak eztanda egin du Gasteizen, Zeledon aldarrikatzaile baten eskutik
Zalduondoko baserritarra San Migel elizako dorretik jaitsi da Andre Maria Zuriaren plazaraino. Urtero bezala, nahiz eta bero handia egin, plaza jendez lepo egon da, guztiak jaiei hasiera emateko irrikaz.
Poloniak prozesua ireki dio berriro Pablo Gonzalez euskal kazetariari
Horretarako agindua eman dute inteligentzia zerbitzuek igorritako dokumentuak jaso ondoren, eta urriaren amaieran edo azaroaren hasieran egin liteke epaiketa. Hiru eta hamabost urte arteko kartzela-zigorra bete dezala eska dezakete.
Sei pertsona atxilotu dituzte Castro Urdialesen, luxuzko txalet batean 500 marihuana-landaretik gora atzeman ondotik
Landareak etxebizitzaren beheko solairuan zeuden, eta leihoak eta kanporako atea zigilatuta zeuden, usainik atera ez zedin.
Hegazti gripearen kasuak detektatu dituzte Santurtzin eta Erandion jasotako kaio hankahorietan
Hegaztiei bakarrik eragiten die, ez zaie pertsonei transmititzen eta ez da arriskutsua osasun publikorako. Hala ere, prebentzio-kontrolerako neurriak ezarri dira eremu horretan, animalien osasuna babesteko eta hegaztien sektorean izan daitekeen edozein eragin minimizatzeko.
26 urteko gizon bat atxilotu dute Gasteizen, bikotekideari jazarpena eta tratu txarrak emateagatik
Igandean izan zen atxiloketa. Udaltzaingoaren patruila bati jakinarazi zioten gizon bat emakume bat jazartzen ari zela, etengabe etxeko atea jotzen.
Bilboko Konpartsek 600 jarduera baino gehiago antolatu dituzte Aste Nagusira begira, tartean 250 kontzertu
Kirolak garrantzi handia izango du, eta txikientzako jarduerak ere ez dira faltako, ia egunero, aste berezi horretan. Halaber, ez dira faltako arte eta sukaldaritza tailerrak, puzgarriak, txotxongiloak eta pailazoak, goitiberak eta txosnak eraikitzeko tailerrak, besteak beste.
Iñaki Kerejazu (Zeledon): "Jai seguruak behar ditugu guztiontzat; ez dugu inolako erasorik onartuko Gasteizen"
Bigarren urtez jarraian Iñaki Kerejazuk gorpuztuko du Zeledon, eta ordu batzuk besterik ez dira falta betiko legez aterkia, ardo-zahatoa eta zapia hartzeko eta Andre Maria Zuriaren jaiei hasiera emateko, 18:00etan.
Espainiako online jokalarien kopurua % 20 baino gehiago igo da 2024an, 'ongietorri bonuak' direla eta
Eskubide Sozialen, Kontsumoaren eta 2030 Agendaren Ministerioak zuzenketa bat bultzatu du Bezeroentzako Arreta Zerbitzuen hurrengo Legean, arau horrek 'ongietorri bonu' deritzonen debekua barne har dezan.