Maroto deklaratzera deitu du Fiskaltzak, gorrotoa sustatzea egotzita
EAEko Auzitegi Nagusiko Fiskaltzak Javier Maroto Gasteizko alkatea (PP) deklaratzera deitu du SOS Arrazakeria taldeak haren kontra aurkeztutako salaketaren harira. Etorkinak "gizarte laguntzen lepo" bizi direla esateagatik salaketa jarri zuen taldeak, gorrotoa sustatzea eta etorkinen eskubideen kontra aritzea leporatuta.
Juan Calparsoro fiskal nagusiak idazkia helarazi dio Marotori, ostegunean Bilboko Justizia Jauregira joateko esanez. Maroto salatu gisa joango da, eta, beraz, abokatua lagun duela joan beharko du.
SOS Arrazakeria taldeak irailean jarri zuen Gasteizko alkatearen kontrako salaketa, honek etorkinen kontura esandakoengatik. Marotok adierazi zuenez, "egia handia da" etorkinen kolektiboak, marokoarrak eta aljeriarrak, besteak beste, herritar "guztiek" ordaintzen dituzten "laguntza sozialen kontura" bizi direla.
Salaketa horren harira, ikerketa abiatu zuen Calparsorok, eta alegazio-idazkia aurkezteko eskatu zion Marotori. Alkateak Auzitegira helarazitako agirien artean, azken urteetan Gasteizko Udalaren gizarte zerbitzuek lagundutako pertsonen txosten bat eta Gasteizko erroldak nazionalitatez nazionalitate izandako bilakaera daude.
Horrez gain, Marotoren gutun bat ere aurkeztu dute abokatuek. Horren arabera, txostenetan oinarritu zen bera adierazpenak egiteko, eta ez zuen gorrotoa sustatzeko asmorik: "Bazterkeria edo arrazekiko gorrotoa sustatzeko borondaterik ez nuen, eta orain ere ez dut. Administrazio publikoaren baliabideak ondo kudeatzea eta iruzurraren kontra borrokatzea da nire asmo bakarra".
Dokumentazio hori eskuan, deklaratzera deitzea erabaki du orain fiskalak.
Maroto: 'Ez dut barkamenik eskatuko'
Erabaki judizialak errespetatzen dituen aldetik, deklaratzera joango dela iragarri du Javier Marotok ohar batean.
Hori bai, inori barkamenik ez diola eskatu behar berretsi du. "Gorrotoa sustatzeagatik nire kontrako salaketa jarri zuen SOS Arrazakeriak, eta handik gutxira, nire burua moztea nahi lukeela adierazi zuen. Hori ez al da gorrotoa sustatzea? Fiskaltzak ni deitu nau deklaratzera. Mundua hankaz gora dago", esan du oharrean.
Salaketa eragin zuten adierazpenei dagokienez, "gizarte laguntzekin gertatzen ari dena argi eta garbi esan" besterik ez zuela egin adierazi du Marotok, eta Jaurlaritzak kaleratutako datuek hori agerian uzten dutela nabarmendu du.
Hori horrela, etorkinen taldeei barkamenik ez diela eskatuko berretsi du (horixe eskatu du SOS Arrazakeria taldeak), eta diru-sarrerak bermatzeko laguntzaren proposamena "atzera botako" ez duela azpimarratu du.
Fede Garcia SOS Arrazakeria Arabako taldeko bozeramailea pozik agertu da Fiskaltzak Maroto deklaratzera deitu duelako, eta barkamena eskatzea espero duela erantsi du.
Horren esanetan, "Marotok esandakoek ondorio txikiagoko gatazkak eragin dituzte, baina sozialki kalte handia egin dute".
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.