Hiru apaiz eta laiko bat atxilotu dituzte pederastiarekin lotuta
Hiru apaiz eta laiko bat atxilotu dituzte gaur Granadan, gazte batek salatutako sexu-gehiegikeriekin zerikusia dutelakoan. Laikoa erlijio irakaslea da, atxilotutako apaizen oso gertukoa, ikerketako iturriek jakitera eman dutenez.
Lau atxilotuak Poliziaren egoitzatik atera dituzte arratsaldean etxebizitzetan miaketak egiteko, auziko iturriek jakitera eman dutenez.
Lau atxilotuak auto ezberdinetan 16:30 aldera atera dituzte polizia-etxetik; izan ere, Granadako argibideetako 4. epaitegiak inkomunikazioa ezarri die.
Miaketak amaitu bezain laster Poliziaren egoitzara berriro eramatea espero dute; izan ere, oraindik ez dute polizien aurrean deklaratu.
24 urteko gizonezko batek urrian jarritako salaketaren harira zabaldu zuen ikerketa epaileak. Gazte horrek Frantzisko aita santuari gutun bat igorri zion, adingabea zenean Granadan elizgizon batzuek sexu-gehiegikeriak egin zizkiotela salatuz. Aita Santuak abuztuan deitu zion, Elizaren izenean barkamena eskatzeko, eta, ondoren, salaketa jartzea erabaki zuen gazteak.
Oraingoz, ikerketako iturriek ez dute jakitera eman atxilotutakoen inguruko daturik. Atxiloketak non egin diren ere ez dute zehaztu. Granadako 4. Instrukzio Epaitegiak agindu du operazioa. Sumarioa sekretupean ipini du epaileak.
"Ikerketa sekretupean"
Jorge Fernandez Diaz Barne ministroak hedabideen aurrean jakitera eman duenez, "ikerketa aspaldi zabaldu zen, eta sekretupean dago. Poliziak lau pertsona atxilotu ditu gaur goizean, eta epailearen esku utzi ditu. Kasuarekin zerikusia izan dezaketen lau elizgizon dira".
Ikerketaren inguruko informazio zehatzik ezin duela eman jakinarazi du ministroak, sumarioa sekretupean dagoelako, baina Barne Ministerioak ikerketaren berri "aspalditik" duela esan du.
Kasu honek Elizan izan dezakeen eraginari buruz galdetuta, Fernandez Diazek esan du Espainiako Gotzainen Biltzarrak jada eman duela bere iritzia eta Elizaren jarrera argi geratu dela. "Aita Santua, Elizaren ordezkari gorena, izan da gai hau aireratu duena", esan du.
"Uste dut inork ezin duela zalantzan jarri Joan Paulo II.ak, Benedikto XVI.ak eta Frantzisko aita santuak Elizaren barruan horrelako jarrerak desagerrarazteko egin duten lana", azaldu du.
"Tamalez, horrelakoak ez dira Elizaren barruan bakarrik geratzen", gaineratu du Fernandez Diazek. "Eliza ahalegin guztia egiten ari da jarrera hauek desagerrarazteko, baina gizarteko esparru guztietatik desagerrarazi behar dira horrelakoak", azpimarratu du.
Andaluziako Auzitegi Nagusiak agiri batean jakinarazi duenez, atxilotuak epailearen esku utziko dituzte 72 orduko epean, poliziek ikerketak amaitu bezain laster.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.