Nafar bat, Frantziako Alpeetan eroritako hegazkineko bidaiarien artean
Rogelio Ofizialdegi Tina nafarra, Delphik Bartzelonan duen lantegiko Giza Baliabideen zuzendaria, Frantziako Alpeetan erori den hegazkineko bidaiarien artean dago.
Sant Cugat del Valleseko (Bartzelona) enpresako bi kide zihoazen hegazkinean istripua gertatu denean. Konpainiako iturriek jakitera eman dutenez, giza baliabideetako zuzendaria eta UGTren enpresa batzordeko ordezkaria Düsseldorfera zihoazen bilera batera.
Rogelio Ofizialdegi Tinak 62 urte zituen eta Bartzelan bizi zen. Diario de Navarrak zabaldu duenez, 1986etik egiten zuen lan automobilgintza alorreko enpresarentzat.
Jaurlaritzak ez daki EAEko herritarrik ote dagoen
Josu Erkoreka Eusko Jaurlaritzaren bozeramaileak gobernuaren atsekabea agertu du "istripu latzagatik", eta dokuminak helarazi dizkie biktimen senideei eta gertukoei.
Erkorekak esan du Espainiako Gobernuarekin jarri direla harremanetan behar duten laguntza emateko, eta azpimarratu du oraindik ez dakitela EAEko herritarrik ba ote zegoen bidaiarien artean.
Biktimak
Bestalde, Bigarren Hezkuntzako 14 ikasle alemaniar eta haien bi irakasle etxera bidean zihoazen Llinars del Vallesen (Bartzelona) ikasle truke egitasmo batean parte hartu ostean.
Era berean, Lluis Junca Oriol Junqueras ERCren buruaren kabineteburuaren emaztea ere ezbeharra izan duen abioiean zihoan.
Horiez gain, litekeena da hildakoen artean nazionalitate espainiarreko beste 40 pertsona inguru egotea, baina oso poliki ari dira baieztatzen horien nortasuna.
rien nortasuna.Albiste gehiago gizartea
Kobetamendiko karabana eta autokarabanen gunea martxan izango da igandetik aurrera, Bilbao BBK Live jaialdia amaitu ostean
Udalak instalazioak berritu berri ditu, azken urteetan izandako erabiltzaileen gorakada nabarmenari erantzuteko. Hemendik aurrera Bilbao Caravan Park izena izango du. Azpiegitura nagusi berri bat sortu da eta instalazio zaharra eraldatu da.
Espetxera bidali du epaileak Anoetan txirrindulari bat harrapatu eta hiltzea leporatuta atxilotutako gidaria
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Bilboko Konpartsek jai giroan abiatu dute Aste Nagusirako atzerako kontaketa
Urtero bezala, hainbat ekitaldi antolatu dituzte, konpartsa guztietako kideei eta bilbotarrei zabalik, konpartsakidetzera animatu daitezen, Aste Nagusia eta gainerako jaiak bizitzeko oso modu berezia baita. Bilboko Aste Nagusiari hasiera emateko hilabete eskas geratzen dela gogorarazi dute Bilboko Konpartsek, adiskide arteko giroan, Konpartsakide Egun honetan.
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Euskal Herria, arrazakeriaren aurrean, erantzun antolatua
Nafarroako eta Bizkaiko arrazismoaren aurkako kolektiboek elkarretaratzeak egin dituzte larunbat honetan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte ehun bat herritan eguerdian
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.