2009an bere 'depresio larriaren' berri eman zion Lubitzek Lufthansari
?Depresio larri bat? gainditu zuela jakinarazi zion 2009an Andreas Lubitz kopilotuak Lufthansako hegaldi eskolari. Kopilotuak ustez hegazkina nahita amildu zuen Alpeetan. Bere prestakuntza zenbait hilabetetan eten behar izan zuen Lubitzek.
Barne ikerketak egin eta Düsseldorfeko Fiskaltzari Lubitzen hezkuntzari eta historia medikoari buruzko dokumentu gehiago igorri ostean eman du horren berri gaur Alemaniako airelineak. Hegaldi eskolaren eta kopilotuaren arteko mezu elektronikoak bildu ditu konpainiak, bertan esandakoak aztertzeko.
Tragediaren eragilea Alemaniako kopilotua izan zela adierazi zuen Frantziako Fiskaltzak. Ondoren, pilotu gazteak bere trebakuntza 2009an eten egin zuela jakitera eman zuen Cartsen Spohr Lufthansako presidenteak, baina arrazoiak zehaztu barik.
Zenbait hilabeteko geldialdi horren ostean, hegan egiteko ziurtagiria eman zioten medikuek Lubitzi, airelineak azpimarratu zuenez.
Gazteak prestakuntzari berriz heldu zionean, hegaldi eskolak eta Lubitzek posta elektronikoz elkarri bidalitako mezuak igorri dizkio Lufthansak Alemaniako Fiskaltzari.
Depresio larria gainditu zuela egiaztatzeko agiri medikoak bidali zizkion kopilotuak eskolari, Lufthansaren esanetan.
Biktimen gorpuzki guztiak berreskuratu dituzte
Germanwings konpainiaren A320 hegazkineko biktimen gorpuzki guztiak berreskuratu dituztela esan du gaur Frantziako Jendarmeriak. ?Zonaldeko gorpu guztiak berreskuratu ditugu?, azaldu du Jendarmeriaren bozeramaileak.
Orain bidaiarien gauzak eta bigarren kutxa beltza berrekuratzea izango da lehentasuna. Bidaiarien gauzak baliagarriak izan daitezke gorpuak identifikatzeko, erantsi du.
Istripuaren tokia garbitzeko ardura Lufthansa konpainiak hartuko duela gaineratu du.
Argazkia: EFE
Iragan astean Alpeetan amildu zen Germanwings konpainiaren hegazkinean zihoazen 150 pertsonak aste honetan identifikatuko dituztela ziurtatu du Francois Hollande Frantziako presidenteak astearte honetan.
?Frantziako Barne ministroak baieztatu duenez, berandu jota aste bukaeran, biktimak identifikatzea posible izango da, egindako DNA laginei esker?, adierazi du Hollandek prentsaurrekoan. Angela Merkel Alemaniako kantzilerra Frantziako buruzagiaren ondoan izan da; izan ere, Ministroen Kontseilu bateratua egin dute Berlinen.
Behin betiko emaitzak izateko bi-lau hilabete beharko zituztela adierazi du Jendarmeriak orain arte. Are gehiago, gorpuen egoera zela eta, biktima batzuk identifikatzea ezinezkoa izango zela ohartarazi zuen.
Senitartekoei kalte-ordaina emateko 279 milioi gorde ditu Lufthansak
Bestalde, Lufthansa taldearen aseguru-etxeek 279 milioi euro gorde dituzte 4U9525 hegaldiko biktimen senideei kalte-ordaina emateko, Handelsblatt Alemaniako egunkariak jakitera eman duenez. Hegazkina martxoaren 24an amildu zen Frantziako Alpeetan.
Bartzelona eta Düsseldorf lotu behar zituen hegaldi tragikoan hil ziren 150 lagunen familiei kalte-ordaina emateko funtsa sortu du Lufthansa taldeak, Alemaniako egunkari horren arabera.
Gordetako diru-kopurua kalte-ordainak emateko eta A320 hegazkinaren galera ordaintzeko erabiliko dute.
4U9525 hegaldiko biktimen familiei 50.000 euro ?berehala? ordainduko dizkietela azaldu zuen Oliver Walter Germanwingseko Operazio zuzendariak astelehenean.
Azken segundoak, hegazkin barruan
Hegazkinaren hondakinen artean ezbeharra izan aurreko azken segundoak jazotzen dituen bideo bat berreskuratu dutela zabaldu du Bild Alemaniako egunkariak. Paris Match Frantziako aldizkariarekin batera, grabazioa ikusteko aukera izan duela ziurtatu du egunkariak. Irudiak hegazkinaren barruan hartutakoak omen dira, baina ez dira argiak eta ezin da inor identifikatu.
Egunkariaren arabera, ikerketako pertsona batek berreskuratu du bideoa, eta hegazkinaren atzealdean grabatu zuen bidaiari batek edo tripulazioko kideren batek.
Zure interesekoa izan daiteke
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.