Graduatu da Basque Culinary Centerren lehenengo promozioa
Mundu mailan ospe handia duten 11 sukaldari, Ferran Adria buru, bildu dira Donostiako Basque Culinary Centerren (BCC), lehenengo promozioaren graduazio ekitaldian.
Enrique Olvera (Mexiko), Gaston Acurio (Peru), Yukio Hattori (Japonia) eta Joan Roca (Katalunia) BCCren aholkulari batzordeko kideak, Carlo Petrini, Christian Puglisi eta Dominique Crenn gonbidatuekin batera bilduta egon dira egunotan Gipuzkoako hiriburuan proiektu berriak sustatzeko eta 54 ikasleen graduazio festan parte hartzeko.
Guztira 35 gizonezkok eta 19 emakumek lortu dute graduazioa, Espainiako Estatuan Gastronomia eta Sukalde Arteen graduatua eskaintzen duen zentro bakarrean.
Diziplina ugariren inguruko ikasketak izan dira zentroaren oinarria 2011n ateak ireki zituenetik; izan ere, sukaldaritza modernoari buruzko ikasketez gain, elikadura industriaren, berrikuntzaren, negozioaren, ekintzailetzaren, aretoko lanaren eta zientziaren inguruko ikasketak egin dituzte.
Joxe Mari Aizeaga zentroko zuzendariak azaldu duenez, BCC "jauzi handia" da sukaldaritza ikasketen munduan, eta apustu "berritzailea" da, sukaldariak ez direlako sukaldari bakarrik izango, baizik eta nazioarteko gastronomiaren erronka berriei aurre egingo dieten profesionalak.
Hala, ikasleen % 36k sukaldaritza berritzailea hautatu du, % 46k ekintzailetza, eta % 16k elikadura industria.
Lanbideak "horrelako zentroa" merezi zuela azpimarratu ostean, Adriak esan du egungo sukaldariak ezin duela soilik sukaldeko teknikara mugatu, zientzia eta negozio alorrean ere hezi behar delako.
Juan Mari Arzakek, berriz, BCC garai batean "utopia" zela aitortu du. Horregatik, gustura agertu da "denon" lanari esker lortutakoa ikusita. Martin Berasategui harro agertu da ikasleek egindako lanarekin, eta beteranoek oinordetzan utzitakoa hobetu egingo dutela esan du.
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.