Euskara egunerokoan erabiltzeko metodoa eskainiko du AEK-k
AEK-k 2015-2016 ikasturterako matrikulazio kanpaina aurkeztu du asteazken honetan Bilbon, Euskaltzaindiaren egoitzan. Kanpaina 'Euskara praktikoa' goiburupean egingo da, eta aurkezpenean, AEKren koordinatzaile nagusi Mertxe Mugika eta Artezkaritza Kontseiluko kide Oskar Elizburu, Iñaki Urkijo, Bixente Claverie, Gorka Arbulu eta Xabi Gartzia izan dira.
Azken urteotako ideietan sakonduta eta AEKn hasieratik izan den izaerari eutsita, aurtengo kanpainan "euskara egunerokoan edo lanean erabili nahi dutenek metodo eraginkorra aurkituko dute AEKn", esan dute kanpaina aurkezteko prentsaurrekoan. "Euskara praktikoa, eguneroko premiei aurre egiteko bideratuta. Ideia horixe da: AEKrekin lortuko duzue nahi duzuen guztia ulertzea, nahi duzuen guztia esatea", azaldu dute.
Halaber, kanpainaren euskarrietako bat izango den spot laburra aurkeztu dute, AEKren mezua "bikain" jasotzen duena. Segundo gutxiko istorioa horren protagonista Sara Cozar aktorea da, AEKn ikasle izandakoa. Sara Cozarrek berak aurkezpenean azpimarratu du "oso gustura" egon zela duela bi urte AEKren euskaltegi batean, eta, gainera, bere helburua oso azkar bete zuela, alegia, EGA agiria eskuratzea.
Gainera, diru-laguntzak ere badirela gogorarazi dute AEKren arduradunek. Zehazki, batetik, udal askok ematen dituztenak daude, eta, bestetik, Eusko Jaurlaritzak HABEren hizkuntz eskakizunak gainditzeagatik eskaintzen dituenak.
Ikasleei aipamen berezia egin die AEK-k, eta Jabi Delgado Portugaleteko Xaribari AEK Euskaltegiko ikasle ohia, "ahalduna", ere egon da bertan. Horrela, 19. Korrikak utzitako hitza gogora ekarri dute, eta datorren ikasturtearen atarian, herritar horien "ahalduntzea" zoriondu dute AEK-koek, "euskara jakin ez, ahaldundu eta euskara ikastea lortu zuena". "Euskara ikasi eta euskaraz bizitzeko gai direnek rol garrantzitsua jokatzen dute, eta haien ahalduntzea, haien 'euskahalduntzea', eredu paregabea da beste herritar askorentzat", azpimarratu dute.
Albiste gehiago gizartea
Istripu baten ondorioz ia hiru orduz itxita egon da A8 autobidea Usurbilen Bilborako noranzkoan
Auto baten eta kamioi baten arteko istripua izan da 17:15ean eta errepidea moztuta geratu da erabat eta auto ilarak sortu dira, inguruko errepideetan ere eraginez. Garabiek ibilgailuak erretiratu eta bidea garbituta, 20:20ean errei bat zabaldu dute eta 21:15an beste biak.
Frantziako nerabe batzuk hegaldi batetik atera dituzte "zalapartagatik", eta Israelek antisemitatzat jo du erabakia
"Oso jarrera gatazkatsua" zutela eta jokabide horrek ontziaren segurtasuna kolokan jartzen zuela ikusita, komandanteak ukatu egin zien ontziratzea 52 bidaiariri, horietatik 44 adingabeak eta 8 adinekoak (begiraleak), eta Guardia Zibilaren esku hartzea eskatu zuen, haiek hegazkinetik ateratzeko. Israelgo Gobernuak "antisemitismoari" egotzi dio, umeak juduak direlako. Irmo ukatu dute hori konpainiak (Vueling) eta Guardia Zibilak.
Adingabeak osteagatik ikertuko dute Juana Rivas, baina ostiralean semea aitarekin utziko duela espero da
Espainiako Gobernuko hainbat ministro eta Andaluziako presidentea kezkatuta agertu dira mutikoaren egoera psikologikoarekin. Bestalde, Rivasen seme zaharrenak kereila aurkeztu du aitaren aurka, anaia gaztearen borondatea hertsatzeko delitua egin dutelakoan.
Zenbait karabela portugaldar ikusi dituzte Kontxan, Zurriolan, Itzurunen, Lagan, Bakion eta Arenan
Marmoken presentziaz ohartarazteko bandera berezia jarri dute Gipuzkoako eta Bizkaiko hondartza horietan, baina sorosleek soilik pertsona bat artatu dute. Topatu dituzten marmokak txanpon baten neurrikoak dira, eta horien ziztadak ia ez du minik eragiten.
Abian da Euskal Encounter, 5.000 teknologia zale baino gehiago bilduko dituen hitzordua
Makrotopaketaren 33. edizioa uztailaren 24tik 27ra izango da, eta 200 jarduera inguru izango ditu publiko guztientzat. Lau egunez, BECeko 5. pabiloia komunitate digital handi bihurtuko da, milaka teknolgia zaleren gozamenerako.
Gasteizen izandako istiluetan gertatutakoari buruz bertsio kontrajarriak eman dituzte GKSk eta alkateak
Gazte Koordinadora Sozialistaren (GKS) arabera, "giro lasaian" egiten ari ziren ekimen baten aurka "kargatu" zuen Poliziak, eta 18:00etarako elkarretaratzea deitu dute, Andre Maria Zuriaren plazan. Maider Etxebarria Gasteizko alkateak, bere aldetik, atzoko gertakariak gaitzetsi ditu eta bere esker ona adierazi dio Ertzaintzari eta Udaltzaingoari.
Sare sozialak gorroto-mezu eta indarkeriarako deiez bete ziren Torre Pachecoko gertakarien ondoren
Arrazakeriaren eta Xenofobiaren Espainiako Behatokiak mota horretako 138.000 argitalpen baino gehiago zenbatu zituen uztailaren 6tik 22ra bitartean, eta ohartarazi du plataformek % 22 baino ez zituztela ezabatu.
Euskararen kontrako epaiei “batasunez” erantzutea eskatu dute 200 herri-ordezkarik baino gehiagok, Bilbon
Gorenak VOX alderdiari men egin eta Udal Legea garatzen zuen dekretuaren hainbat artikulu baliogabetu berritan, erantzun bateratua eman dute gaur, Bilbon, 200 bat alkatek, udal hautetsik eta euskalgintzako ordezkarik, “euskararen defentsan”.
Faxismoaren eta arrazakeriaren aurkako elkarretaratzea egin dute Irunen
Irungo Harrera Sarea herri plataformak salatu duenez, "azken hilabeteetan ideologia neonaziko hainbat taldek inpunitate osoz jardun dute Irunen", "gorroto diskurtsoa" gure kaleetan "barreiatuz" eta "hainbat gazte talde mehatxatuz".
200 alkate eta herri-ordezkarik ekitaldia egingo dute Bilbon, euskararen aurkako azken epaia salatzeko
Euskalgintzaren Kontseiluak deituta, 11:00etan bilduko dira Euskal Autonomia Erkidegoko Auzitegi Nagusiaren atarian alderdi eta sentsibilitate ezberdinetako ordezkariak euskararen inguruan Gorenak emandako azken epaiari erantzun bateratu bat eman asmoz.