Siriarren aukera bakarra herrialdetik ihes egitea dela uste du NBEk
Siriarren irtenbide bakarra herrialdetik ihes egitea da, Siriako gatazka ikertzen ari den Nazio Batuen Erakundeko batzordeak salatu duenez.
"Siria gure begien aurrean suntsitu dute. Nazioak porrot egin du borrokaleku kaotiko eta hilgarrienean. Nazioa batuta mantentzeko loturak deseginda daude", adierazi du Paulo Sergio Piñeiro NBEko batzordearen presidenteak, NBEko Giza Eskubideen Kontseiluaren aurrean.
"Siriarrek ez dute euren herrialdea ezagutzen. Eraiki eta ezagutzen zuten bizimoduak porrot egin du, eta ihes egitea da aukera bakarra", gaineratu du Piñeirok.
Ikerketa batzordearen azken txostena gaur aurkeztu dute Kontseiluaren osoko bilkuran, eta herrialdean izan dituzten giza eskubide urraketa ankerrenak azaldu dituzte bertan.
"Giza sufrimendu sakona, urte askotan Siriako ospitaleetan eta inguruko herrialdeetako errefuxiatu-eremuetan ikusi duguna, tren-geltokietan edo Schengengo Esparruko mugetako hesietan pilatuta dauden errefuxiatuen aurpegi zargalduetan ikusten da. Hori da Sirian bakea lortzeko ahaleginean porrot egin izanaren ondorioa", azpimarratu du Piñeirok.
Batzordearen presidenteak argi utzi nahi izan du errefuxiatuen krisiaren irtenbide bakarra gatazka modu baketsuan amaitzea dela.
"Errefuxiatuen krisia, Turkian, Libanon, Jordanian eta Iraken hainbat urtetan bizi izan dutena, Siriako gatazkaren ondorio da. Biak guztiz lotuta daude. Ezinezkoa da bata bestea konpondu gabe konpontzea", azaldu du Kontseiluan.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.