Baztertu egin dute ustezko abusuak egiteagatik ikertutako irakaslea
Cristina Uriarte Hezkuntza sailburuak gaur jakinarazi duenaren arabera, hiru eta lau urte bitarteko lau umeri gutxienez ustezko sexu-gehiegikeriak egiteagatik ikertzen ari diren Gasteizko Haur Hezkuntzako irakaslea irakaskuntza-zereginetatik baztertu dute "aldi baterako".
Donostian egin ditu adierazpen horiek sailburuak, UPV/EHUren Gipuzkoako Campuseko Elbira Zipitria zentroaren inaugurazio-ekitaldian, eta gaur bertan hartu duten badaezpadako neurria dela esan du.
Sailburuaren esanetan, pertsona hori gertakarietan "nahasita dagoen ala ez" jakin arte, "aldi baterako zerbitzutik baztertzea" erabaki dute, Eusko Jaurlaritzak "hezkuntza-komunitatea babestu behar duelako, ikasleak zein irakasleak".
Uriartek adierazi duenez, "hainbat unetan egon izan zitezkeen kontraesanak alde batera utzita", Hezkuntza Sailak "jakin nahi du zer ari den gertatzen, neurriak hartzeko".
Horren harira, gaur bertan hitz egin du Juan Calparsoro Euskadiko fiskal nagusiarekin, "egoera zein den argitzeko eta dagozkion neurriak hartzeko". Hark idatzi ofizial bat igorri dio, eta idatzi horretan jakinarazten da joan zen ekainean Arabako Fiskaltzak eginbideak ireki zituela, eta irakasle hori eginbide horietan nahasita dagoela, baina ez inputatuta.
Hori horrela, "gaur goizean bertan" hartu ditu Jaurlaritzak "prebentziozko neurriak", eta, horien eraginez, irakasle hori bere postutik baztertu dute "aldi baterako". Horrenbestez, "gaur goizean ez da klaseak ematera joan, ikasleak zein irakaslea bera babesteko".
Gertatutakoa guztiz argitu arte izango dute neurri hori indarrean, Hezkuntzako buruak iragarritakoaren arabera.
Ikerketa 2012-2013 ikasturtean abiatu omen zuten, Haur Hezkuntzako lehen zikloan zegoen hiru urteko neskato baten aitak bere alaba irakasle baten sexu-gehiegikerien biktima izan zitekeela salatu zuenean.
Zure interesekoa izan daiteke
Gasteizen bikote homosexual bati eraso egin zion adingabea atxilotu dute berriro, hiru gazte sastakatzeagatik
EITBk baieztatu duenez, 17 urteko gaztea kanporatzeko eskaera egin behar zuen Arabako Aldundiak. Atzo, bertan, epailearen aurrera eraman zuten, eta Eusko Jaurlaritzaren gazteentzako justizia zentro batean sartzea agindu zuen honek.
Pertsona bat hil da Arrasaten, bi ibilgailuren arteko istripu batean
GI-627 errepidean gertatu da ezbeharra, Aretxabaletarako noranzkoan. Errepidea itxita egon da errepidea garbitu bitartean, baina lanak amaitutakoan ireki dute.
Euskararen aldeko lasterketa igande eguerdian helduko da helmugara, Bilbora
2.750 kilometro egin eta lekukoa eskuz esku 3.436 aldiz pasatu ostean, Bizkaiko hiriburua harrapatuko du Korrikak. Bertan jakingo dugu nork idatzi duen 10 egunez lekuko barruan gordeta eraman duten mezua, egileak berak irakurriko baitu. AEKk festa erraldoia prestatu du 24. Korrikari amaiera emateko.
Deabruek sutan jarri dute Korrika Debagoienean barrena
Lekittoko Deabruak kale antzerki taldeak hartu du lekukoa Oñatitik Bergarara bidean, eta hankaz gora jarri dute ibilbidea su eta txinpartekin.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Israelgo taldeen aurkako partidak bertan behera uzteko eskatu du Palestinarekin Elkartasuna plataformak Gasteizen
Ehunka lagun atera dira gaur Gasteizko kaleetara, Baskoniak Hapoel Tel Aviven aurka jokatu beharreko kanporaketa eta apirilaren 7an Maccabiren kontrakoa bertan behera uztea eskatzeko. Palestinarekin Elkartasuna plataformaren arabera, Israel “genozidioa zuritzeko” erabiltzen ari da saskibaloia, eta ez da nahikoa Buesa Arena hustea: Israelekin harreman guztiak etetea aldarrikatu dute, baita kirol arlokoak ere.
Santanderreko pasabidearen egoeraz jakinarazteko abisua jaso zuen 112ko kudeatzailea ikertuko dute
Erabaki horren helburua da langileari defentsarako eskubidea bermatzea, iturri judizialek azaldu dutenez.
Osasun Ministerioak erkidegoekin adostu du bitartekari bat izendatzea medikuen Greba Batzordearekin negoziatzeko
Sindikatuek eta Ministerioak zehaztu eta onartu beharko dute nor izango den bitartekari hori.
Medikuen grebak 300.000 pazienteri eragin die Euskadin, Eusko Jaurlaritzaren arabera
Protestaren ondorioz, gainera, Osakidetzako itxaron-zerrenda kirurgikoa 15 egun luzatu da, 67 egunera arte.
Medikuek Aste Santuaren ondoren greba bertan behera utziko dutela uste du Osasun ministroak
Monica Garcia Osasun ministroaren arabera, Ministerioak agindutakoa bete du eta orain sindikatuei dagokie greba bertan behera uztea.