Suhiltzaileen zerbitzua 'hobetzeko beharra' aitortu du Gonzalezek
Ramiro Gonzalez Arabako ahaldun nagusiak (EAJ) gaur -asteazkena- adierazi duenez, ezin da lotura egin Espejoko Suhiltzaileen Parkeko zerbitzuaren gaueko etenaldia Gaubean izandako suteko heriotzarekin.
Gonzalezek gertatutakoa izan du hizpide Diputatuen Kontseiluaren ostean eta, berretsi egin duenez, Diputazioak bete egingo du aurreikusitako plana, lurralde historikoaren eskualde mailako unitateak (suteei begira) berrantolatzeko.
Ahaldu nagusiak, abenduaren 7an, Gaubean, izandako ezbeharraren kontaketa kronologikoa egin du eta, zehaztu duenez, SOS Deiak zerbitzuak 02:59an izan zuen sutearen berri. 03:02an, Miranda de Ebroko (Burgos) suhiltzaileen laguntza eskatu zuten eta, minutu bat geroago, anbulantzia -Espejotik ere abiatu zen, suhiltzaileak bezala- bidali zuten.
Gonzalezen arabera, anbulantzia 03:16an heldu zen sutea izan zen lekura. Ordurako, biktima kiskalitako etxetik kanpo zegoen, baina ezin izan zuten ezer egin heriotza ekiditeko.
Ahaldun nagusiaren ustean, horrek baieztatu egiten du Gaubeako suhiltzaileen unitateak ezingo zuela ezer egin, nahiz eta gaueko txandan zerbitzua izan; hori dela eta, "zuhurtzia izan beharra dago kontuak ateratzeko orduan".
Bestalde, Gonzalezek onartu egin du "agerikoa" dela suhiltzaileen parkeen kudeaketa hobetu behar dutela, baina, ohartarazi duenez, Gaubeako sutearen ostean "ez dira errealitatearekin bat ez datozen ondorioak atera behar". Horren ildotik, "lasaitasunerako deia" egin dio gizarte arabarrari.
Erkoreka: 'Jaularitzak ez dauka inolako erantzukizunik"
Josu Erkoreka Eusko Jaurlaritzaren bozeramaleak, aldiz, nabarmendu egin du Jaurlaritzak ez duela "inolako erantzukizunik" Arabako suhiltzaileen parkeen antolaketaren "gabeziei dagokienez", zerbitzu horien eskumena diputazioei eta udalei baitagokie.
Erkorekak, gainera, ukatu du -zenbait sindikatuk esan bezala- Jaurlaritzak suteak itzaltzeko zerbitzuaren inguruan egindako lege proiektuak arazoa areagotzea ekar dezakeenik eta halako egoerak maizago gerta daitezkeenik.
Zure interesekoa izan daiteke
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.
Lehengai gisa pipa-azalak erabiliz, bateria kargagarriak lortu dituzte EHUko ikertzaileek
Unibertsitateak jakinarazi duenez, ikerketak egiaztatu du biomasako materialekin egindako bateriek energia nahikoa biltegiratzeaz gain, karga eta deskargako 1.000 ziklo egin ditzakete. Aurkikuntzak aukera ekologikoagoak eskaintzen ditu "garestiagoak eta kutsagarriagoak" diren bateria tradizionalen aurrean.