24 orduko 'suhiltzaile-zerbitzu integrala' eskatu du ELAk
Gaubean atzo izandako suteak agerian uzten du, ELA sindikatuaren iritzian, 24 orduko suhiltzaile-zerbitzu integral baten beharra dagoela. Gizonezko bat hil zen eta haren aita larri zauritu, etxebizitza batean piztutako sutean.
ELAk Eusko Jaurlaritzaren suhiltzaileen legearen proiektua salatu du, berriro, hutsuneak dituela eta zerbitzua integrala ez dela argudiatuta.
Igande goizaldean izan zen sutea, Gaubean. Espejokoa da gertuen dagoen suhiltzaile-parkea, baina 24 orduko zerbitzua eskaintzen ez duenez, Gasteizko suhiltzaileak joan behar izan zuten Gaubeako sua itzaltzera. 40 minutu baino gehiago behar izan zituzten deia jaso zutenetik sutearen lekura iristen. Sindikatu abertzalearen arabera, ezinbestekoa da 24 orduko zerbitzu integrala ezartzea, halako gertakarien aurrean modu eraginkorrean erantzuteko.
EH Bildu
EH Bilduk ere ildo beretik egin ditu adierazpenak. Suteak itzaltzeko eta salbamenduetarako eskualdeko unitateen planaren berregituraketa "azkartzeko" eskatu dio koalizioak Arabako Foru Aldundiari.
Agiri batean, EH Bilduk gogora ekarri du Espejoko suhiltzaile-parkea Gaubeatik 3 kilometrora baino ez dagoela, eta atzo goizaldean sutea izan den orduan itxita zegoela.
Zure interesekoa izan daiteke
Auzitegi Gorenak eutanasia eskaria errekurritzeko eskubidea aitortzen die eskatzailearekin lotura "estua" dutenei
Kataluniako Generalitatearen helegite bat atzera bota du Gorenak. Aita batek bere semeari onartutako eutanasia errekurritzea ontzat eman zuen sententzia batek, eta haren aurka aurkeztu zuen helegitea Exekutibo kataluniarrak.
Maria Ubarretxena: "Azken erabakia FIFArena izango da"
Maria Ubarretxena Eusko Jaurlaritzaren bozeramaileak azaldu duenez, FIFAren erabakia 2027ko urtarrilean iritsiko da. Oraindik zazpi hilabete gelditzen diren honetan, lasaitasun mezua zabaldu du.
Arguedasko Udalak hiru dolu-egun ezarri ditu herrian izandako hilketa matxistagatik
Gainera, elkarretaratzea deitu du arratsalderako, udaletxearen aurrean, hilketa matxista gaitzesteko.
Ebola zer den ulertzeko gakoak
Birus bat da ebolaren eragilea, eta sei mota bereizi dira: Sudan, Zaire, Reston, Cote d'Ivoire (Boli Kosta), Bundibugyo eta Bombali. Txertoek eta onartutako tratamenduek Zaire aldaeraren aurka funtzionatzen dute. Afrikako erdialdea astintzen ari diren Sudan eta Bundibugyo anduiak tratatzeko, berriz, oraindik ez dago txertorik.
Amaitu dira N-1 errepidean, Tolosa parean, bi kamioi matxuratuk eragindako auto-ilarak
Usabalgo industrialde parean hasi eta Alegiaraino iritsi dira, une batez, auto-ilarak. Matxuratutako bi kamioiak elkarrengandik oso hurbil zeuden, eta, ondorioz, errei bat itxi egin behar izan dute.
Jonathan Andic atxilotu dute, Isak Andic Mangoren sortzailearen semea, aitaren heriotzarekin zerikusia duelakoan
Enpresaburua 2024an hil zen, Montserrat inguruan, amildegitik behera erorita. Semea eta biak bakarrik zeuden ezbeharraren unean. Hasiera batean, istripua izan zela uste izan zen eta auzia artxibatu zen. Handik gutxira, baina, zantzu berriak agertu ziren, eta epaileak kasua berriz zabaltzea erabaki zuen.
Zergatik uko egiten diote zenbait hirik Munduko Txapelketaren egoitza izateari? Hauek dira FIFAren eskakizunak
Gijonek, Malagak eta Coruñak, besteak beste, atzera egin dute, antolakuntza- eta inbertsio-eskakizunak zorrotzegiak direla argudiatuta. FIFAk zerga-salbuespena eskatzen du, egoitza izatea errentagarria ez den arren, txosten batzuen arabera.
Gutxienez 3 kilometroko auto-ilarak A-15 errepidean, Andoainen, hainbat ibilgailuren arteko istripu bat izan delako
Errepidea itxita egon da denbora batez istripuaren ondorioz, eta zirkulazio-arazo handiak sortu dira Donostiarako noranzkoan.
Albiste izango dira: Erailketa matxista Arguedasen, zalantzak gizonezkoen futboleko Mundiala hartzeko Bilboren hautagaitzari buruz eta Ebola agerraldia Afrikan
Gaurkoan Orain-en albiste izango direnen laburpena, bi hitzetan.
Gizon batek bi pertsona hil eta lau zauritu ditu tiroz, El Ejidon
Ustezko egileak bere burua entregatu du. Hildakoak bere gurasoak dira eta zaurituetako adin txikikoetako bat, berriz, 7 hilabeteko bere semea.